Чанде пеш мо хабар дода будем, ки як гуруҳ сокинони кишвар муроҷиат карданд, ки дар кишвар каратини сартосарӣ ба муҳлати 2 ҳафта карда шавад, вале аз вазорати тандурустии Тоҷикистон мегӯянд, дар ҷумҳурӣ нақшаи роҳандозии карантин рӯи даст набуда, бо такя ба масъулиятшиносии ҳар шаҳрванд амал хоҳанд кард.

Ғафур Муҳсинзода зимни нишасти матбуотӣ гуфт, қарантин барои давлат як тартибу низом дорад, ки дар шароити феълии Тоҷикистон амалӣ намешавад.

Ӯ тавзеҳ дод, ки карантин аз ҳодисаҳои алоҳида, вақте 10 - 12 ҳолат дар як минтақа пайдо мешавад, амалӣ мегардад. Ноиби вазир гуфт, дар ин сурат низ чӣ қадар корҳоро анҷом додан даркор, то он ҳолатҳоро пайдо карду ба карантини инфиродӣ, оилавӣ ва ё корхонавӣ фаро гирифт.

Ӯ изҳори боварӣ намуд, ки бо гуфтушуниди дутарафа, масъулиятшиносии баланд ва иштироки фаъоли мардум метавон бар ин беморӣ пирӯз шуд. Муҳсинзода муҳим хонд, ки дар марҳилаи коронавирус, тибқи сухани мутахассис, ки дақиқ бошад, бояд амал кард, на аз рӯи ҳар гуна иддаое, ки пайдо мешаванд.

“Сироятёбӣ дар маъракаҳо, бозор ва нақлиёт ҳам рух медиҳад. Агар мо дастаҷамъона дар ин самт кор накунему ба мардум нафаҳмонем ин вирус ҳамин хел идома меёбад", - ҳушдор дод Муҳсинзода.

свернуть