Lajme arkiva 2006
Atmosfera e Pashkëve ka nisur të ndihet në kryeqytetin shqiptar. Pranë Katedrales së Shën Palit në Tiranë, por edhe në të gjitha kishat të vendit tonë do të mbahet sot në orën 23:30 mesha e vigjiljes së Pashkëve.
Ajo do të mbahet nga kreu i kishës katolike shqiptare Imzot Rrok Mirdita në Katedralen e Shën Palit, ku pritet të vijnë besimtarë nga të gjitha qytetet e Shqipërisë. Nesër në orën 11 të paradites në këtë katedrale do të jetë sërish Imzot Rrok Mirdita që do të kremtoj meshën e të dielës së ringjalljes.
Edhe Vëllazëria Ungjillore e Shqipërisë ka organizuar një aktivitet festiv me rastin e ditës së pashkëve. Besimtarë nga të gjitha rrethet kanë zbritur në Pallatin e Sportit Asllan Rusi për të kremtuar së bashku këtë moment të veçantë, e përkrah tyre ata kanë patur edhe njerëz të varfër dhe në nevojë të kryeqytetit.
Programi ka përmbajtur këngë, recitime dhe momente dramatike. Vëllazëria Ungjillore e Shqipërisë përfaqëson mbi 120 kisha dhe organizata të krishtera në vendin tonë./tvklan.al
Gazetare: Fjodora Fjora
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
