Ютуб арнамның жаңа әңгімесі - "Жатақханадағы елес". Шынайы оқиға желісімен жазылған қорқынышты әңгіме. Казакша әсерлі әңгіме. Әңгіме айтушы: Динара Мейрамқызы. Казакша. Қазақша жаңа әңгімелерден үзінді. Өмірден алынған. Өмір иірімі. Оқиға желісі бойынша бір жігіт жатақханада бір қыздың елесін көре береді сол жігіт өзінің басынан өткерген ең қызықты оқиғасымен бөліседі. Бүгінгі әңгіме айтушы Динараның ұсынып отырған жаңа әңгіме мен жаңа әңгімелерден үзіндісі жатақханадағы бір жігіттің тағдырында болған қызықты оқиғалары, яғни өмір сынағы туралы оқиғаларының бірі. Қорқынышты, әрі қызықты оқиғалар желісінен құралған жатақханадағы елес әңгімесі сұмдық қорқыныш әлемінен алынған. Жігіттің басынан өткен оқиғасы түнгі жынды кездестіргендей. Тылсым дүниені өз көзімен көрді. Қысқасын айтқанда, қазақша мистика.

Бірінші курсты тәмәмдап, жазғы демалысқа шыққанбыз. Сол жылы жатақхананың жөндеу жұмысына қалдым. Өйткені, жазда жатақхананың жөндеу жұмысына қалғандар, қыркүйек айындағы ауылшаруашылық жұмыстарына (картошка жинауға) бармайтын. Ал жатақхананың жөндеу жұмысы жеңіл болатын. Қасымдағы жігіттер күзгі картошка жинау науқанына баратын болып үйлеріне қайтып кетті де, бөлмеде жалғыз қалдым. Сол жазда жатақханада түсініксіз жағдайға тап болдым.
Жұмыс басталғалы он күннен асқан. Жұмыс істеп жүр деген аты болмаса, жарытып жүргеніміз шамалы. Бас-аяғы төрт жігітпіз. Күндіз екі-үш сағат жөндеу жұмыстарымен жүреміз де, кешке киноға барамыз. Таңертең асықпай тұратын болғандықтан түннің бір уағына дейін шет елдік жазушының қазақ тіліне аударылған мистикалық шығармасын оқып жатқам. Түнгі үш шамасы. Дәлізден біреу менің атымды айтып шақырғандай болды. Қыз баланың дауысы. Техникалық институттың жатақханасы болған соң, мұнда қыздар саусақпен санарлық. Бары да жазғы демалысқа кеткен. Мұнда қыз қайдан жүр? Бәлкім дауыс даладан естіліп тұр ма екен деп ойлап, терезеден тысқа қарадым. Ешкім көрінбейді. Бойымды қорқыныш билесе де, дәлізге шықтым. Онда да ешкім жоқ. Тоқтай тұрып тың тыңдадым. Әлгі дауыс қайта естілмеді. Маған солай естілген екен ғой деп, бөлмеге қайта оралдым. Біршама уақыт елегізіп жатып, ұйықтап кетіппін.
Таңертең асықпай тұрып, жуынып-шайынып асханаға барып қайттым. Ол күні де жартымды жұмыс болған жоқ. Тиіп-қашып бірдеңе істеген болдық. Кешкі астан кейін біраз уақыт теледидар қарап, сосын бөлмеге келдім. Әдеттегіше қолға кітап алып оқып жатқам. Ұйықтап кетіппін. Құлағыма қыздың шақырған дауысы келді. Шошып ояндым. Қыздың наздана күліп, шақырған дауысы анық естілді. Неге екенін бұл жолы бойымда ешқандай қорқыныш сезімі болмады. Қандай да бір күш мені дәлізге бастады. Бөлмеден шықтым. Дәліздің соңғы жағындағы бөлмелердің бірінің алдында шашын жайып жіберген қыз күліп тұр. Мен шыққан соң ол бөлмеге кіріп кетті. Бірақ ол тұстағы бөлмелердің бірінде де қыздар тұрмайтын. Және ол бөлмелерде тұратын жігіттер демалысқа кеткен. Бөлмелердің түгелі жабық болатын. Сонда қыз жабық бөлмеге қалай кіріп кетті? Түсім бе? Бойым дір ете қалды. Жоқ, түсім емес, дәлізде тұрмын. Жүрегім суылдап қоя берді. Жалт бұрылып бөлмеге кірдім. Ойыма неше түрлі қорқынышты жағдайлар оралып, таң алдына дейін ұйықтай алмадым.
Таңертең кеш тұрдым. Жуынып келген соң түнде қыз кіріп кеткен бөлмеге бардым. Есігі құлыптаулы. «Бәлкім комендант жаз уақытына біреу-міреуді жіберді ме екен» деп ойладым. Есікті қақтым. Тым-тырыс. «Мүмкін таңертең ерте тұрып кетіп қалды ма екен» деген ой келді. Көңілдегі күдікті сейілту үшін коменданттан сұрадым. Ол кісі онда ешкім тұрмайтынын айтты. Сонда қалай болғаны? Бойымда қорқыныш күшейе түсті. Сәлден соң жұмыс басталып кетті де ол жайды ұмытқандай болдым.
Алайда кешке қарай түнгі елес қыз есіме қайта түсті. Ойымды басқа жаққа бұрмақ болып, төменге түсіп түнгі 11-ге дейін теледидар қарадым. Бөлмеге келген соң кітап оқымақ болып едім, көңілім алаң болып оқи алмадым. Неге екенін кітап оқысам қыз қайта шақыратын сияқты сезім болды. Ойланып ұзақ жаттым. Таңға қарай талығып ұйықтап кетіппін. Түн тыныш өтті. Екі түн дұрыс ұйықтамаған соң ба, үшінші күні кітап оқуға шама келмей жатып қалдым. Жата сала ұйықтап кетіппін. Ол күн де тыныш ұйықтадым. Кітап оқымаған екі түн тыныш болған соң «сонда түнгі елес қыздың пайда болуы кітаппен байланысты болғаны ма?» деген ой келді. Бірақ ол ойымды өзім жоққа шығардым. Алдыңғы түн жақсы тыныққан соң үшінші күні түнде кітап оқып жаттым. Кітаптың қызығына түсіп, елес қыз жайлы да ұмытып кетіппін. Бір кезде дәлізден қыздың сықылықтаған күлкісі естілді. Атымды айтып шақырды. Орнымнан тұрып, дәлізге шықтым. Неге екені бойымда қорқыныш сезімі жоқ. Бір күш жетектеп әкетіп барады.

#аудиокітап #қазақша #қазақ #қорқыныштыоқиғалар #шынайыоқиға

свернуть