Толибон Афғонистоннинг деярли барча ҳудудлари ва пойтахт Кобулни эгаллаши ортидан минглаб афғонлар мамлакатдан чиқиб кетиш ҳаракатига тушди. Кузатувчилар катта сондаги қочқинлар оқими Ўзбекистон чегараси томон йўналтирилганини қайд этмоқда.
18-август куни Ўзбекистоннинг юздан ортиқ афғон қочқинга вақтинча бошпана бергани хабар қилинди. “Газета.uz”нинг ёзишича, қочқинлар учун чодирли лагерь ташкил этилган. Sputnik Uzbekistan эса ўз манбасига таянган ҳолда лагерда 150 қочқин борлигини, улардан 17 нафари аёллар ва болалар эканини ёзди.
Таҳлилчиларга кўра, чегарадаги қочқинлар оқими расмий Тошкентни хавотирга солаётгани аниқ.
Толибон жангчилари Афғонистон шимолидаги туманларни бирин-кетин эгаллаб олишни бошлаган июль ойида Ўзбекистон ҳукумат ҳайъати Женевага ташриф буюрган ва БМТ Қочқинлар бўйича Олий Комиссарлиги вакиллари билан музокаралар олиб борган эди. Бир вақтнинг ўзида Термиздаги манбалар Афғонистон билан чегарада эҳтимолий қочқинлар учун чодирлар тикилаётганини тасдиқлаган.
***
Tolibon Afg‘onistonning deyarli barcha hududlari va poytaxt Kobulni egallashi ortidan minglab afg‘onlar mamlakatdan chiqib ketish harakatiga tushdi. Kuzatuvchilar katta sondagi qochqinlar oqimi O‘zbekiston chegarasi tomon yo‘naltirilganini qayd etmoqda.
18-avgust kuni O‘zbekistonning yuzdan ortiq afg‘on qochqinga vaqtincha boshpana bergani xabar qilindi. “Gazeta.uz”ning yozishicha, qochqinlar uchun chodirli lagerь tashkil etilgan. Sputnik Uzbekistan esa o‘z manbasiga tayangan holda lagerda 150 qochqin borligini, ulardan 17 nafari ayollar va bolalar ekanini yozdi.
Tahlilchilarga ko‘ra, chegaradagi qochqinlar oqimi rasmiy Toshkentni xavotirga solayotgani aniq.
Tolibon jangchilari Afg‘oniston shimolidagi tumanlarni birin-ketin egallab olishni boshlagan iyulь oyida O‘zbekiston hukumat hay’ati Jenevaga tashrif buyurgan va BMT Qochqinlar bo‘yicha Oliy Komissarligi vakillari bilan muzokaralar olib borgan edi. Bir vaqtning o‘zida Termizdagi manbalar Afg‘oniston bilan chegarada ehtimoliy qochqinlar uchun chodirlar tikilayotganini tasdiqlagan.
Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |
#Ozodlik #Qochqin #Afghanistan
