Нұрсұлтан Назарбаевтың коронавирус жұқтырғаны анықталған соң, оқшауланып үйден жұмыс істеу режиміне көшіпті. Соңғы күндерде Елбасының жұмыс кестесі өте тығыз болған екен. Бұл күндерде Нұрсұлтан Назарбаев бірқатар екіжақты келіссөздер жүргізіп, ресми өкілдерді қабылдаған. Оған қоса, Тұңғыш президент отандық және шетелдік журналистерге сұхбат беріпті. Телевизиялық түсірілімді ұйымдастыруға шамамен 40-тан астам адам қатысқан. Ішінде шетел азаматтары да бар. Ал, Президент Қасым-Жомарт Тоқаев Тұңғыш Президенттің тез сауығып кетуін тіледі. Нұрсұлтан Әбішұлының рухы мықты адам. Оның бүкіл өмірі күреске толы, сондықтан, ол бұл сынақты да жеңіл еңсереді деп сенемін деді твиттер парағында. Қазіргі уақытта Қасым-Жомарт Кемелұлы да кездесулерін бейнебайланыс арқылы өткізіп жатыр. Денсаулығы жақсы, күнделікті коронавирусқа тест тапсырады дейді Ақорданың баспасөз қызметі.
![](https://s2.save4k.ru/pic/lGDMRRlA0cA/mqdefault.jpg)