Sot në Hagë është radha e mbrojtjes të parashtrojë qëndrimin e saj, në gjykimin e sapofilluar të ish liderëve të UCK-së që sheh në bankën e të akuzuarve Ish presidentin e Kosovës, hashim Thacin, dhe tre bashkëpunëtorë të tij të kohës së luftës, Kadri Veseli, Jakup Krasniqi dhe Rexhep Selimi. Të katër këta dolën një ditë më parë para gjykatës speciale për tu gjykuar për akuzat që i lidhin me krime lufte dhe krime kundër njerëzimit, që prokuroria speciale i parashtroi për disa orë të hënën. Të katër ish udhëheqësit e UCK, janë deklaruar të pafajshëm. Të martën, mbrojtja e ish presidentit Thaci, vazhdoi deklaratën e saj hyrëse duke tentuar të hedhë poshtë pretendimet e prokurorisë. Avokati i Thaçit, Gregory Kehoe, sërish insistoi se Thaçi nuk kishte pushtet real gjatë luftës, ashtu siç pretendon prokuroria se ai ka udhëhequr një “ndërmarrje të përbashkët kriminale”.
“Hashim Thaçi nuk kontrollonte UÇK-në, e kontrollonin komandantët e zonave”, tha ai. Kehoe po ashtu kundërshtoi një prej pikave kyçe të aktakuzës së Speciales, që thotë se synimi kryesor i Thaçit, Veselit, Selimit dhe Krasniqit, ishte të merrnin kontrollin e Kosovës. Avokati po ashtu mbështeti pretendimin e tij se Thaçi nuk kishte pushtet që të parandalohet apo ndëshkonte krimet e mundshme gjatë luftës. Avokati mbrojtës i Hashim Thaçit, Gregory Kehoe, në fjalën e tij hyrëse tha klienti i tij nuk ka pasur motiv që të kryejë krimet për të cilat akuzohet.
“Ai e dinte se suksesi i UÇK-së varej nga mbështetja ndërkombëtare, sidomos nga SHBA-ja”, tha ai, duke përmendur disa kushte që SHBA-ja i kishte vendosur UÇK-së për funksionimin e saj, që përfshinte atë që të mos sulmonin civilët.
Kehoe kundërshtoi deklaratën hyrëse të prokurorëve të specializuar që u dha gjatë të hënës. Sipas tij, atyre ju mungoi konteksti i luftës kur pretendohet se janë kryer krimet. Prokuroria ka thënë se ka 312 dëshmitarë por jo të gjithë do të ftohen të japin dëshminë para gjykatës. Edhe mbrojtja do të paraqesë dëshmitarët e saj, mes të cilëve edhe personalitete ndërkombëtare, në një proces që pritet të zgjasë për rreth gjashtë vite.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Hagë#TopChannel

свернуть