Lajme arkiva 2007
Kryeministri Berisha ka paraqitur në seancën e sotme në parlament projektbuxhetin për vitin 2008, parlamenti ka nisur kështu debatin për votimin e këtij projekti. Në fjalën e tij në mbrojtje të buxhetit të vitit 2008 kryeministri Berisha paraqiti shifrat kryesore. Ky projekt parashikon një buxhet prej 4.1 miliard dollarësh, më i madhi që shteti shqiptar ka planifikuar ndonjëherë.
Sali Berisha: “Unë sot vij krenar para çdo shqiptari, se në 2 vjet duke luftuar kontrabandën, korrupsionin, evazionin, ndonëse kemi përgjysmuar tarifat doganore, kemi më shumë se përgjysmuar taksat, por duke vendosur transparencën në çmimet e referencës në dogana, disiplinën ligjore në sistemin fiskal, ne arritëm të shtojmë, të shpëtojmë nga kthetrat e zeza të të korruptuarve dhe të derdhim në arkën e shtetit mbi 1,2 miliard dollarë. Pra ne investojmë në një vit të vetëm aq sa kanë investuar pothuaj në 4 vjet qeveritë e mëparshme. Investimet në infrastrukturë në vitin 2004 ishin vetëm 19 miliard dhe arrijnë në 73 miliard, në vitin 2008. Buxheti i vitit 2008 krahasuar me vitet e mëparshme mund të quhet buxhet kurorë, për rritjen e tij shumë të madhe, të paparë gjer sot investime në këtë vend.”
Kryeministri tha, se në vitin 2008 janë planifikuar rritje pagash dhe pensionesh shumë më të lara se ato që qeveritë paraardhëse kanë realizuar për vite të tëra. Të gjitha këto të ardhura të shtuara janë si rezultat i luftës efikase kundër korrupsionit tha kryeministri Berisha. Vetëm investimet janë 4 herë më të mëdha se të qeverive të mëparshme ka thënë kryeministri.
Kjo rritje e madhe investimesh është e fokusuar në shumë projekte të rëndësishme dhe jo e copëzuar në dhjetëra mijëra projekte, të cilët më parë nuk kanë dhënë asnjë efekt. Kryeministri përmendi edhe çështjen e rrugës Durrës-Kukës, duke akuzuar socialistët se po e kundërshtojnë projektin pa të drejtë.
Sali Berisha: “Nga Konispoli në Vermosh e votojnë të gjithë ata që duan rrugët e tyre të ndërtuara, e votojnë të gjithë pensionistët që mezi presin rritjen e pensioneve, e votojnë arsimtarët të cilët persin t’u dyfishohen rrogat e tyre, brenda mandatit të kësaj qeverie. E votojnë punonjësit e shëndetësisë, e votojnë komunat dhe bashkitë e vendit që duan të zbatojnë projektet e gatshme për investim. E votojnë mbarë shqiptarët kudo që janë, për superstradat dhe autostradat që ndërtohen. Ngrihuni pra mbi interesat partiake, merrni për bazë vetëm interesat e zonave tuaja elektorale, i shtoni kërkesat për to, këtu do ua plotësojmë, votoni buxhetin, votoni për integrimin, keni votuar për anëtarësimin e Shqipërisë në NATO, keni votuar për investimet.”
Kryeministri tha se gjatë vitit 2008 do të nisë edhe projektin e asfaltimit të 6000 km rrugë dytësore në të gjithë vendin./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
Ещё видео!