Lajme Arkiva - TV Klan 2002
Themelet dhe godina ku sot ndodhet Teatri Kombëtar, u ndërtuan 62 vjet më parë. Kjo ngrehinë në atë kohë është quajtur “dopo lavoro” dhe shërbeu si vend argëtimi për ushtarakët italian dhe rininë fashiste. Pas çlirimit, korpusit iu dha titulli “Teatër Kombëtar”. Restaurimet e pakta kanë bërë që sallat dhe të gjitha ambientet të degradojnë deri në atë masë, sa rrezikohet në çdo moment shembja.
Për vite të tëra, vendi ku artistët kanë folenë e krijimit është shoqëruar me debat për arsye të shkatërrimit dhe mos investimit që ka përfshirë këtë shtëpi. Në po këtë kohë edhe fondet e dhëna nuk mbulojnë dot asnjë grimcë të kësaj panorame. Ministria e Kulturës ka vënë në dispozicion një fond prej 154 milion lekësh të vjetra, për të cilin drejtori i Teatrit Kombëtar Xhevdet Ferri thotë:
Xhevdet Ferri:- “Ky është precedenti i dytë edhe vitin e kaluar ka pas teorikisht të akorduara për TK një sasi parash, të cilat nuk mbërritën kurrë, për arsye se me këtë sasi parash nuk mund të hapet dhe të mbyllet asnjë segment funksional vital i TK. Këtu kam parasysh skenën dhe sallën, sepse ato janë të vetmet ambiente që akoma janë në funksion. Pasi dhe vetë ministri i kulturës u kthjellua për këtë çështje, të nesërmen ka dërguar specialistët e tij, të cilët pasi bënë një vlerësim edhe ata ranë dakord me ne, që me këto para nuk mund të hapet dhe të mbyllet asgjë. Nuk mund të hapet pasi kjo është shumë e rrezikshme dhe ne nuk mund ta lejonim një aventurë të tillë të kujtdo që do ta merrte këtë vendim, që të prekte funksionet vitale të teatrit dhe të rrezikoheshin që ato duke mos u mbyllur, sezoni i ardhshëm të na gjente pa çatinë e sallës apo me skenë të rrëzuar për tokë, siç ka ndodhur me Estradën e Tiranës”.
Në këtë gjendje janë jo vetëm skena qendrore e shfaqjes, e cila përveç akustikës së mirë nuk ka asgjë tjetër, por edhe sallat e përgatitjes. Ndërkohë përgjatë gjithë hapësirës, që është rreth 6 mijë metra katror si brenda dhe jashtë të shoqëron vetëm era e lagështirës, të cilës duket se i ka ardhur koha për ndryshim./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
