Ինչպե՞ս Վլադիմիր Պուտինը դիմավորեց Նիկոլ Փաշինյանին
Հիշեցնենք, որ վարչապետ Նիկոլ Փաշինյանն այսօր աշխատանքային այցով ժամանել է Ռուսաստանի Դաշնություն՝ Սանկտ Պետերբուրգ:
ՀՀ վարչապետը Սանկտ Պետերբուրգի «Բորիս Ելցինի» անվան նախագահական գրադարանում մասնակցել է Բարձրագույն Եվրասիական տնտեսական խորհրդի հերթական նիստին: Նիստին մասնակցել են Բելառուսի Հանրապետության նախագահ Ալեքսանդր Լուկաշենկոն, Ղրղզստանի Հանրապետության նախագահ Սոորոնբայ Ժեենբեկովը, Ռուսաստանի Դաշնության նախագահ Վլադիմիր Պուտինը, Բարձրագույն Եվրասիական տնտեսական խորհրդի պատվավոր նախագահ Նուրսուլթան Նազարբաևը և Եվրասիական տնտեսական հանձնաժողովի կոլեգիայի նախագահ Տիգրան Սարգսյանը: Նիստին, որպես Եվրասիական տնտեսական միությունում դիտորդ երկրի ղեկավար, ներկա է եղել նաև Մոլդովայի նախագահ Իգոր Դոդոնը:
ԵԱՏՄ անդամ պետությունների ղեկավարները Միության զարգացման ընթացիկ աշխատանքները և համագործակցության խորացման հեռանկարները քննարկել են նեղ և ընդլայնված ձևաչափով հանդիպումների շրջանակում:
Բարձրագույն Եվրասիական տնտեսական խորհուրդը հաստատել է Միխայիլ Մյասնիկովիչի թեկնածությունը Եվրասիական տնտեսական հանձնաժողովի Կոլեգիայի նախագահի պաշտոնում: Գործող նախագահ Տիգրան Սարգսյանի պաշտոնավարման ժամկետը լրանում է 2020թ. փետրվարի 1-ին։ Նիստում հաստատվել է նաև Եվրասիական տնտեսական հանձնաժողովի Կոլեգիայի նոր կազմը։ Որոշում է կայացվել՝ 2020 թվականին Եվրասիական տնտեսական միության մարմիններում նախագահությունը Բելառուսին փոխանցելու վերաբերյալ: Որոշումն ուժի մեջ է մտնելու 2020 թ. հունվարի 1-ից:
#asekose #nikolpashinyan #vladimirputin
![CUANDO SE TE MOJA LA TARE - PHONK [Super Slowed + Reverb]](http://i.ytimg.com/vi/jmCqMF6bFjE/mqdefault.jpg)
![CUANDO SE TE MOJA LA TARE - PHONK [Super Slowed + Reverb]](https://i.ytimg.com/vi/jmCqMF6bFjE/mqdefault.jpg)
