Grabitje për 6 minuta në fshatin Zhamë të Lushnjë. Autorja e dyshuar është një grua. Siç duket në këto pamje të kamerave të sigurisë të cilat i disponon Klan Neës, ajo e parkon automjetin tip Benz në orën 11 e 36 minuta të datës 16 Nëntor. Del nga makina bashkë me një çantë dhe ecën në këmbë drejt shtëpisë së familjes Ibraliu. Aty gjeti vetëm të zonjën e shtëpisë.
“Më tha vij nga Tetova, du içik ujë. I thashë nga Tetova vjen për ujë ti, nuk kam mundësi unë. A nuk sheh si jam? Pa depozitën që ishte aty, mbushi ujë.”
Gruaja pretendon se autorja i ka hedhur një substancë e më pas ka marrë 1.3 milionë Lekë.
“E s’mbaj mend më asnjë gjë. Nuk e di ça më bëri. Më duket sikur ia kam dhënë me duart e mia.”
Pasi mori paratë, autorja e dyshuar e grabitjes është kapur nga kamera e sigurisë teksa hip në makinë 6 minuta më pas, në orën 11 e 42 minuta. Largohet me automjetin tip Benz ndërsa është kapur edhe nga një tjetër kamera sigurie.
Më pas në shtëpi shkoi bashkëshorti i cili e gjeti gruan e tij të tronditur.
Familja Ibraliu ka bërë denoncimin në polici për ngjarjen ndërsa blutë kanë sekuestruar kamerat e sigurisë. Ndonëse ka kaluar një javë, autorja e grabitjes ende nuk është identifikuar.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
