U zhduk kur ishte ende një adoleshente. Marsela Cako nga Fieri u largua me djalin që dashuronte në moshën 16-vjecare drejt Italisë. 2 vite qëndroi larg familjes për tu kthyer në Shqipëri në vitin 1996, vit kur ajo bëri celebrimin me djalin me të cilin kishte vendosur të jetonte. Në pak kohë ajo niset sërish përtej detit. Familjarët kanë qëndruar vite në ankth në pritje të kthimit të Marselës. Ajo nuk komunikonte shpesh në telefon me ta, por dhe në rrallët raste që telefonoi, i tha nënës se do të ndahej nga djali me të cilin kishte bërë celebrimin në Shqipëri. Ajo u pohonte gjithnjë familjarëve se ishte mirë, por kurrë nuk u tregonte se pse nuk donte të kthehej në Shqipëri. Telefonatr e fundit nga Marsela u bë në vitin 2007 kur i komunikoi nënës se ndodhej në Genova të Italisë, por i duhej të rinovonte pasaportën duke i derguar nje prokure. Pasaporta u rinovua, …dhe familja e nis në adresën që ajo kishte dërguar, por që nga kjo telefonatë nuk u mësua më kurrë për fatin e Marselës, por as, nëse edhe pasaporta mbërriti në duart e saj. Familja nuk mori më asnjë informacion pasi as i fejuari i saj nuk u kthye në Shqipëri. Kohë më pas familja e Marselës mëson se ai ishte vrarë për shkak të pazareve të drogës. Frika e familjarëve është se zhdukja e vajzës së tyre ka të bëjë me fatin që pati ish-i fejuari i saj. Marsela kishte dhe një motër, vëlla gjithashtu, ky i fundit e kërkoi gjithë jetës derisa ndërroi jetë në vitin 2018, duke lënë pas nusen dhe tre fëmijë. Një tjetër tragjedi në familjen Cako pas zhdukjes së Marselës. Vëllai nuk arriti ta gjejë motrën ndërsa mbylli sytë pa mësuar për fatin e saj. Nëna Liljana dhe babai Llazer Çako jetojnë me nusen dhe tre nipërit, pasi vajza e vetme e mbetur në familje ndodhet në Gjermani.
