Best Munajat 2020،Tarke Dunya,Heart Touching Kalam, By Hafiz Abdul Razzaq



Artist::::::::::::Hafiz Abdul Razzaq

Written by:::::::: Aziz Ullah Ghalib

Audio:::::::::::::::::FS Studio

Video ::::::::::::::::HAR Production



ترکِ دنیا لبوں پر ہو حمدوثنا
پھر عبادت کا کیسا مزہ آئے گا
دل میں یادِ الہی کی ہو جستجو
پھر تلاوت کا کیسا مزہ آئے گا

سربہ سجدہ اگر روح نکل جائے تو
خوش نصیبی پہ نازاں رہوں گا سدا
لوگ مجھ کو اُٹھائے میں اُٹھ نہ سکوں
پھر عیادت کا کیسا مزہ آئے گا

بابِ جنت پہ رضوان روکے اگر
اور محمدﷺ کہیں اُمتی ہیں میرے
کاش دیکھوں میں وہ پرُمسرت گھڑی
پھر اجازت کا کیسا مزہ آئے گا

دل میں صدیقؓ آنکھوں میں حضرت عمرؓ
لب پہ عثمانؓ ہو دھڑکنوں میں علیؓ
ہمسفر ہمنوا ہو اگر یہ سبھی
پھر رفاقت کا کیسا مزہ آئے گا

روضہ ئے مصطفیﷺ دیکھ آئیں کبھی
آرزو جستجو ہر گھڑی ہے یہی
لب پہ نعتِ نبیﷺ گنگناتے رہیں
پھر زیارت کا کیسا مزہ آئے گا

ہم کو بتلا گئے ہیں یہ ابن علیؓ
حق پہ قائم رہو موت سے نہ ڈرو
حق پہ کٹ جائے میداں میں غالب اگر
پھر شہادت کا کیسا مزہ آئے گا




#hearttouching #relaxing #hindi

свернуть