Tregohet se një njeri kishte ardhur te Pejgamberi (sal-lAllahu alejhi ue selem) dhe e kishte pyetur atë...

Ai tha: Dëshiroj të bëhem njeriu më i ditur!
-Pejgamberi alejhi selam iu përgjigj: Frikësoju Zotit, bëhesh njeriu më i ditur.

Ai tha: Dëshiroj të bëhem njeriu më i pasur!
-Pejgamberi alejhi selam iu përgjigj: Bëhu i kënaqur me atë që ke, do të jesh njeriu më i pasur.

Ai tha: Dëshiroj të bëhem njeriu më i drejtë!
-Pejgamberi alejhi selam iu përgjigj: Dëshiro për njerëzit atë që dëshiron për vete, do të bëhesh njeriu më i drejtë.

Ai tha: Dëshiroj të bëhem njeriu më i mirë!
-Pejgamberi alejhi selam iu përgjigj: Bëhu i dobishëm për njerëzit do të jesh njeriu më i mirë.

Ai tha: Dëshiroj të bëhem njeriu më i veçantë!
-Pejgamberi alejhi selam iu përgjigj: Shpeshtoje të përmendurit e Zotit do të bëhesh njeriu më i veçantë.

Ai tha: Dëshiroj që të më kompletohet imani (besimi)!
-Pejgamberi alejhi selam iu përgjigj: Përmirësoje moralin-sjelljen tënde, do të të plotësohet imani (besimi).

Ai tha: Dëshiroj që të bëhem prej të mirëve (prej muhsininëve)!
-Pejgamberi alejhi selam iu përgjigj: Adhuroje Zoti sikur je duke e parë Atë, edhe nëse ti nuk e sheh Atë, Ai të sheh ty, kështu bëhesh prej të mirëve.

Ai tha: Dëshiroj që të bëhem prej atyre që i nënshtrohen Zotit!
-Pejgamberi alejhi selam iu përgjigj: Kryeji farzet e Zotit bëhesh i nënshtruar ndaj Tij.

Ai tha: Dëshiroj që ta takoj Zotin duke qenë i pastër nga mëkatet!
-Pejgamberialejhi selam iu përgjigj: Pastrohu nga papastërtia (xhynybllëku), do ta takosh Zotin i pastër nga mëkatet.

Ai tha: Dëshiroj që të ringjallem Ditën e Kijametit në dritë!
-Pejgamberi alejhi selam iu përgjigj: Mos i bë të padrejtë askujt do të ringjallësh Ditën e Kijametit në dritë.

Ai tha: Dëshiroj që të më mëshirojë Zoti Ditën e Kijametit!
-Pejgamberi alejh iselam iu përgjigj: Bëhu i mëshirshëm ndaj vetes dhe ndaj robërve të Tij, Zoti do të të mëshirojë Ditën e Kijametit.

Ai tha: Dëshiroj që të më pakësohen mëkatet!
-Pejgamberi alejhi selam iu përgjigj: Shpeshtoje fjalën ''estagfirullah''- ''kërkoj falje nga Zoti'' do të të pakësohen mëkatet.

Ai tha: Dëshiroj të bëhem njeriu më fisnik!
-Pejgamberi alejhi selam iu përgjigj: Mos iu anko askujt për punët tua, do të jesh njeriu më fisnik.

Ai tha: Dëshiroj të bëhem njeriu më i fuqishëm!
-Pejgamberi alejhi selam iu përgjigj: Mbështetu te Zotit, do të bëhesh njeriu më i fuqishëm.

Ai tha: Dëshiroj që Zoti të m’i hap dyert e furnizimit!
-Pejgamberi aalejhi selam iu përgjigj: Qëndro i pastër, do të të hapën dyert e furnizimit.

Ai tha: Dëshiroj që të bëhem nga të dashurit e Zotit dhe të Dërguarit të Tij!
-Pejgamberi alejhi selam iu përgjigj: Duaje atë që Zoti dhe i Dërguari i Tij e duan, do të bëhesh njeriu më i dashur.

Ai tha: Dëshiroj që të jem i sigurt nga hidhërimi i Zotit dhe i Dërguarit alejhi selam në Ditën e Kijametit!
-Pejgamberi alejhi selam iu përgjigj: Mos u hidhëro ndaj askujt nga krijesat e Zotit, do të jesh i sigurt nga hidhërimi i Zotit.

Ai tha: Kam dëshirë që të më përgjigjet ndaj lutjes!
-Pejgamberi aalejhi selam iu përgjigj: Largohu nga ushqimi haram, të përgjigjet ndaj lutjes sate.

Ai tha: Dëshiroj që t’m’i mbulojë Zoti (mëkatet) në Ditën e Kijametit!
-Pejgamberi alejhi selam iu përgjigj: Mbuloji të metat e vëllezërve tu, edhe ty Zoti do t’i mbulojë të metat tua Ditën e Kijametit.

Ai tha: Çfarë të shpëton nga mëkatet, ose nga gabimet?!
-Pejgamberi alejhi selam iu përgjigj: Lotët, nënshtrimi dhe sëmundjet.

Ai tha: Cila vepër (e mirë) është më e madhe te Zoti?
-Pejgamberi alejhi selam iu përgjigj: Morali i mirë, modestia dhe durimi ndaj belave.

Ai tha: Cila vepër (e keqe) është më e madhe te Zoti?
-Pejgamberi alejhi selam iu përgjigj: Morali i keq dhe koprracia e tejskajshme.

Ai tha: Çfarë e qetëson hidhërimin e Zotit në këtë botë dhe në botën tjetër?
-Pejgamberi alejhi selam iu përgjigj: Lëmosha sekrete dhe mbajtja e lidhjeve farefisnore.

Ai tha: Çfarë e shuan zjarrin e xhehenemit në Ditën e Kijametit?
-Pejgamberi alejhi selam iu përgjigj: Durimi në këtë botë ndaj sprovave dhe belave të ndryshme.

свернуть