Fövqəladə Hallar Nazirliyinin Akademiyasının təşkilatçılığı ilə respublikanın xüsusi təyinatlı ali təhsil müəssisələrinin kursantları arasında “Heydər Əliyev İli”nə həsr olunmuş “Xalqa bağışlanan ömür” adında “Xəmsə” intellektual bilik yarışı keçirilib.
Bu barədə APA İnformasiya Agentliyi xəbər yayıb.
Yarışda Fövqəladə Hallar Nazirliyinin Akademiyası, Daxili İşlər Nazirliyinin Polis Akademiyası, Daxili İşlər Nazirliyi Daxili Qoşunlarının Ali Hərbi Məktəbi və Dövlət Gömrük Komitəsinin Akademiyasının komandaları iştirak edib.
Yarış iştirakçıları, əvvəlcə Fövqəladə Hallar Nazirliyi Akademiyasının Heydər Əliyev Mərkəzi ilə tanış olub.
Tədbirdə çıxış edən Fövqəladə Hallar Nazirliyi Akademiyasının rəis müavini polkovnik Kazım Kazımov bildirib ki, intellektual bilik yarışlarının keçirilməsi Azərbaycan gənclərinin dünya görüşünün, ictimai və elmi fəallığının formalaşmasında mühüm rol oynayır.
O, “Xəmsə” intellektual oyununun akademiyada ənənə halını aldığını deyib.
Çıxışlardan sonra bilik yarışına start verilib. Maraqlı və gərgin mübarizə şəraitində keçən bilik yarışmasının qalibi adına Dövlət Gömrük Komitəsinin Akademiyası layiq görülüb.
✅ Rəsmi facebook səhifəmiz: [ Ссылка ]
✅ Rəsmi instagram səhifəmiz: [ Ссылка ]
✅ Rəsmi linked səhifəmiz: [ Ссылка ]
✅ Rəsmi youtube kanalımız: [ Ссылка ]
Copyright © APA PRO
#apapro #apaproxeber #apaproxeberler
