Lajme Arkiva 2001
Partia Demokratike i ka kërkuar publikisht kryetarit të Partisë Socialiste Fatos Nano, që të paraqesë në parlament një mocion mosbesimi ndaj qeverisë Meta. Kryetari i grupit parlamentar të reformatorëve Nard Ndoka, tha se deputetët e opozitës në këtë rast, do të votojnë kundër qeverisë.
“Sot duhet t’i japim Z. Nano për të provuar se gjithçka që ai po ndërmerr, po e bën për interesat e këtij vendi. Ne e ftojmë Z. Nano të vij në parlament dhe të kërkojë një mocion mosbesimi për qeverinë socialiste. Tashmë është në dorë të Z. Nano, të gjykojë nëse e ka seriozisht apo është tallja e radhës me elektoratin”, tha Nard Ndoka.
Demokratët i shikojnë akuzat e Nanos ndaj Metës si një vërtetim të deklaratave të tyre për korrupsion, nepotizëm dhe klientelizëm në kabinetin qeveritar. Nano nuk ka preferuar të bëjë komente rreth qëndrimeve që pasuan sulmet e tij mbi qeverinë.
Duke dalë nga Selia Rozë Nano tha: Po pse do të merrem me kilogramët e Anastas Angjelit..?!
Duke e etiketuar drejtimin e qeverisë si të tipit fashiste, Nano ka gjeneruar dhe qëndrime të ndryshme të anëtarëve të kryesisë. Sekretari organizativ Petro Koçi thot se e rëndësishme është të zëvendësohen këto fenomene.
“Partia po rrezikon një mënyrë autoritarizmi në drejtimin e saj, e cila nuk vjen nga ata që drejtojnë partinë drejtpërdrejtë, por vjen nga brenda saj. Brenda institucionit të KPD-s. Dhe në mënyrën e qeverisjes, mendoj se qeverisja me dorë të hekurt duhet zëvendësuar me një qeverisje me duar të pastra”, tha Petro Koçi.
Nano do t’i vijojë takimet e tij në fundjavë, gjatë së cilës ai ka planifikuar të marrë pjesë në analizat socialistëve të Ballshit dhe të Tepelenës./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
