Qırğız Respublikasının Prezidenti Sadır Japarov Azərbaycana rəsmi səfəri çərçivəsində bu gün ölkəmizin işgüzar dairələrinin nümayəndələri ilə görüşüb. Görüşdə İqtisadiyyat naziri Mikayıl Cabbarov keçirilən tədbirin iki dost ölkənin iqtisadi əlaqələrinin və işgüzar dairələr arasında əməkdaşlığın genişləndirilməsində səmərəli olacağını vurğulayıb. Tədbirdə qeyd edilib ki, ticarət, eləcə də investisiya sahəsində tərəfdaşlığın genişləndirilməsi üçün imkanlar daha böyükdür. Tədbir çərçivəsində Qırğız Respublikasının Prezidenti yanında Milli İnvestisiya Agentliyi və Azərbaycan Respublikasının İxracın və İnvestisiyaların Təşviqi Agentliyi–AZPROMO arasında Əməkdaşlıq Memorandumu imzalanıb. Sənəd biznes tərəfdaşlığının genişləndirilməsi və qarşılıqlı investisiyaların təşviqi məsələlərini əhatə edir.
**
[ Ссылка ]
[ Ссылка ]
[ Ссылка ]
#ictimaitv #video #televiziya #baku #videolar #itv
