“Қыз Жібек операсында Шегенің ролін сомдап ем. Астана-опера театрының симфониялық оркестірінің сүйемелдеуінде ән салу бір бақыт. Ал спектаклде образ сомдау ол - және бір үлкен бақыт. Әміре Қашаубаев, Манарбек Ержанов, Жүсіпбек Елебеков, Ғарифолла Құрманғалиев сынды саңлақтардан кейін бірде-бір ұлттық ән өкілдері (дәстүрлі әншілер) операда образ сомдап ән салмады. Сара жол үзілді. Алайда, Алла қолдап осы үзілген жолды жалғау тәуелсіздік алғанда менің еншіме бұйырыпты. Менің ән салу мәнерім қазақтың төл туындысы, төл үні, төл мектебі. Себебі, менің ұстаздарымның шежіресі қазақ ұлттық ән өнерінің саңлақтарынан тұрады. Ұлттық операға ұлттың үні қайта келді, қуан қазақ елі”,- депті Ерлан Рысқали бір сұхбатында. Шегенің партиясы негізінде Брусиловскиге Әміре жеткізген терме, Ақан серінің “Көк көбелек”, Мұхиттың “Айдай”, Иман Жүсіптің “Сарымойын” әндері жатыр.
Ещё видео!