Кам таъминланган оилаларга ижтимоий нафақалар ва моддий ёрдам тайинлаш ва тўлаш тартиби тўғрисида Низом
(Вазирлар Маҳкамасининг 15.02.2013 й 44-сон қарори асосида тасдиқланган)
I. Низомнинг мақсади
Фуқароларнинг ўзини ўзи бошқариш органлари томонидан 14 ёшгача болалари бўлган оилаларга нафақа, бола икки ёшга тўлгунга қадар бола парвариши бўйича нафақа ва кам таъминланган оилаларга моддий ёрдам тайинлаш ва тўлаш тартибини белгилаш.
II. Низомнинг мазмун-моҳияти ва аҳамияти
Низомга мувофиқ, болали оилаларга нафақа ва моддий ёрдам 6 ой муддатга, бола парвариши бўйича нафақа эса – 12 ойга тайинланади, бироқ бола икки ёшга тўлган ойдан кейинги ойга ўтмаслиги керак
Нафақа ва моддий ёрдам тайинлаш тўғрисидаги ариза фуқароларнинг ўзини ўзи бошқариш органи РАИСИ НОМИГА берилади
Аризага қуйидагилар илова қилинади:
• оиланинг таркиби ва даромадлари тўғрисидаги маълумотлар
• болаларнинг туғилганлик тўғрисидаги гувоҳномалар нусхаси
• доимий яшаш (доимий прописка) жойи бўйича нафақа ва моддий ёрдам тайинланмаганлиги ва тўланмаганлиги тўғрисида фуқароларнинг ўзини ўзи бошқариш органи томонидан берилган маълумотнома
• агар болалар васийликка олинган бўлса – васийлик ва ҳомийлик органининг қароридан кўчирма
Нафақа ёки моддий ёрдам тайинлаш учун ариза оила ушбу нафақа ёки моддий ёрдамни олиш истаги бўлган ойдан ОЛДИНГИ ОЙНИНГ 15-САНАСИДАН кечиктирмай берилади
Моддий ёрдам тайинлаш ва тўлаш тўғрисидаги қарор фуқароларнинг ўзини ўзи бошқариш органи – посёлка, қишлоқ ва овул, шунингдек шаҳарларнинг маҳаллалари фуқаролар йиғини ёки бундай қарорларни қабул қилиш учун фуқаролар йиғини томонидан ваколат берилган КОМИССИЯ ТОМОНИДАН қабул қилинади
Нафақа ва моддий ёрдам ҳар бир оила аъзосига ўртача ойлик жами даромад миқдори жами даромад аниқланаётган давр учун белгиланган МЕҲНАТГА ҲАҚ ТЎЛАШНИНГ ЭНГ КАМ МИҚДОРИНИНГ 52,7 фоизидан ортиқ бўлмаган оилаларга тайинланади
Оила аъзосига тўғри келадиган ўртача ойлик жами даромад, нафақа ёки моддий ёрдам олиш учун мурожаат қилинган ойдан олдинги охирги 3 ОЙ УЧУН ҳисоблаб чиқилган оиланинг меҳнатга лаёқатли ҳар бир аъзосининг ўртача ойлик даромади суммасини оила таркибига киритиладиган оила аъзолари сонига бўлинган ҳолда аниқланади.
14 ёшгача болалари бўлган оилаларга нафақа:
• 1 та болали оилага - 131 000 СЎМ;
• 2 та болали оилага - 217 000 СЎМ;
• 3 ва ундан ортиқ болали оилага - 304 000 СЎМ;
2 ёшга тўлгунга қадар бола парвариши бўйича нафақа - 434 000 СЎМ;
кам таъминланган оилаларга моддий ёрдам - 326 000 СЎМДАН 653 000 СЎМГАЧА.
Нафақа ва моддий ёрдам ариза берувчининг ўзини ўзи бошқариш органига мурожаат қилган ойнинг КЕЙИНГИ ОЙИДАН БОШЛАБ тўланади.
Нафақани келгусида ҳам олишга муҳтожлиги бўлган тақдирда уни олган шахс тўловларнинг аввалги ўн икки ойлик муддати тугашидан БИР ОЙ ОЛДИН фуқаролар йиғинига такроран мурожаат этади
Нафақа ва моддий ёрдам олиш учун аризаларни кўриб чиқиш тартиби
Ариза берувчининг эҳтиёжмандлиги даражасини аниқлаш ва нафақа ҳамда моддий ёрдам тайинлаш ёки рад этиш тўғрисида хулоса чиқариш учун фуқароларнинг ўзини ўзи бошқариш органида МАХСУС КОМИССИЯ ТАШКИЛ ЭТИЛАДИ
Нафақа ва моддий ёрдам тайинлаш тўғрисидаги ариза УЧ БОСҚИЧДА кўриб чиқилади.
Биринчи босқичда махсус комиссия ариза берилган санадан бошлаб УЧ КУН муддатда ариза берувчи томонидан фуқароларнинг ўзини ўзи бошқариш органига тақдим этилган маълумотлар асосида оиланинг аъзосига тўғри келадиган ўртача ойлик жами даромад миқдорини аниқлайди
Иккинчи босқичда махсус комиссия ариза берилган санадан бошлаб ЎН КУН муддатда оиланинг моддий ва мулкий ҳолатини ўрганиб чиқади, шундан кейин тегишли нафақа ёки моддий ёрдамни тайинлаш ёки тайинлашни рад этиш тўғрисидаги хулосани фуқаролар йиғинига ёки Комиссияга киритади
Учинчи босқичда ариза берилган ойнинг охирги кунидан кечикмай, махсус комиссиянинг хулосаси инобатга олинган ҳолда, ариза тегишли нафақа ёки моддий ёрдамни тайинлаш ва тўлаш ёки тайинлашни рад этиш тўғрисидаги масалаларни ҳал этиш учун фуқаролар йиғини ёки Комиссия томонидан кўриб чиқилади
Нафақа ва моддий ёрдам олиш учун ОИЛА ТАРКИБИГА:
болаларнинг отаси, онаси ёки никоҳдаги ҳар икки ота-онаси (фарзандликка олувчилар)
ота-оналар билан бирга яшайдиган ва уларнинг қарамоғида бўлган болалар, шунингдек ота-оналар билан биргаликда яшайдиган ва ўз оилаларига эга бўлмаган 16 ёшдан катта ёшдаги болалар (шу жумладан фарзандликка олинган болалар) киради.
Ещё видео!