Буцах хунгийн дуунаар сэрсэн
Буурал намрын цагаан шөнөөр
Анхны цасны ширхэг шигээ
Сормуус дээр чинь хайлах болно оо
Хунгийн дуу
Хунгийн сүрэг эргээд ирэхэд
Цасан доороос яргуй түрнэ
Хайрын сэтгэл чамайг үгүйлж
Насан туршдаа бодсоор явна
Хунгийн дуу
Дөлгөөн нуурын цэнхэр мандалд
Илхэн дуулах хунгийн дуунаар
Олноос содон чиний харцанд
Онгон зүрхээ уярааж явнаа
Хунгийн дуу, хунгийн дуу
