#xs_uz #narodnoeslovo
Беларусь халқи мустақилликка эришди,
Беруний тумани қайтадан ташкил этилди...

3-июль санаси тафсилотлари билан Зилола Холтўраева.
Бугун Беларусь Республикасида Мустақиллик куни кенг нишонланмоқда. Мазкур воқеа Беларуснинг энг муҳим байрами саналади ва ҳар йили 3 июлда катта тантана қилинади.
Шу ўринда Беларусда 1991 йилдан бошлаб Мустақиллик куни дастлаб 27 июль санасида, яъни 1990 йил республика суверенитети ҳақидаги декларация қабул қилинган кунда нишонланганини айтиш жоиз. Бироқ 1996 йил бўлган референдумдан сўнг Беларусь Мустақиллик куни Минск шаҳри вермахтлар босқинидан озод бўлган сана, яъни 3 июль куни деб белгиланди. Ана шундан буён Беларусь Республикаси халқи бу санани ҳақиқий мустақиллик ва озодлик куни сифатида байрам қилиб келади.
1927 йил 3 июль Қорақалпоғистон Республикасида Беруний тумани ташкил этилган кун сифатида тарихимиздан муҳим жой олган.
Маълумотларда келишича, Беруний тумани 1962 йилда Тўрткўл туманига қўшиб юборилган ва 1964 йилда қайтадан ташкил этилган.
Беруний тумани Ўзбекистон Республикаси Шимоли-ғарбида жойлашган бўлиб, умумий майдони 3,94 минг км.кв. ни ташкил этади. Aҳолиси, асосан, ўзбек, қорақалпоқ, қозоқ, туркман, татар, рус ва бошқа миллатлар вакилларидан иборат.
Беруний туманида машҳур Бадайтўқай давлат қўриқхонаси жойлашган. Туман иқтисодиёти асосини пахтачилик ташкил қилади, шу боис унинг саноати пахта хом ашёсини қайта ишлашга ихтисослашган.
Туманда ишлаб чиқариш соҳаси анча ривожланган. Бугун бу ерда ўнлаб кичик корхона, фирма ва хусусий корхоналар ҳамда бир қатор йирик заводлар мавжудлиги ҳам шундан далолат беради.
Кун тарихини безаб турган бошқа муҳим воқеалар ҳам талайгина. Улар қуйидагилардан иборат:
1849 йил. Француз қўшинлари Римга кириб, Рим республикасини тугатган.
1886 йил. Карл Бенс дунёдаги ўзи яратган машинада биринчи учишни амалга оширган ва у 16 км/соат тезликка эришган.
1915 йил. Туркияда дастлабки биринчи қоғоз пул муомалага чиқарилган.
1928 йил. Илк телевизорлар сотувга чиқарилган бўлиб, уларнинг нархи 75 долларни ташкил этган.
1940 йил. Француз флотининг немис қўлига ўтишига йўл қўймаслик учун инглизлар Мерс эл-Кебир базасига ҳужум уюштирган ва 3 та француз кемаси йўқ қилинган, натижада 1200 дан ортиқ денгизчи ўлдирилган.
1944 йил. Багратион операцияси доирасида Қизил армия қўшинлари Минск шаҳрини фашист босқинчиларидан озод қилган.
1949 йил. Хиросимага атом бомбасини ташлаган бомбардимончи самолёт Смицон музейи экспонатига айланган.
1960 йил. AҚШ Конгресси Кубадан шакар олиб киришга тақиқ қўйган.
1962 йил. Франция Жазоир мустақиллигини эълон қилган ва референдумда овоз берганларнинг 75 фоизи ушбу қарорни қўллаб-қувватлаган.
1962 йил. Aмерикалик актёр, режиссёр, 3 та “Олтин Глобус” соврини соҳиби Том Cруисе таваллуд топган.
1988 йил. Эрон-Ироқ уруши: Форс кўрфазида Aмерика крейсери Эроннинг йўловчи самалётини уриб туширган, натижада 298 киши ҳалок бўлган.
Ўзингиз гувоҳи бўлганингиздек, ҳар бир воқеанинг ўз тарихи, тафсилоти ва ижрочидлари бор.
Вақти келиб сизнинг ҳам бирон бир кашфиётингиз ёки хизматларингиз кун тарихини безаб туриши мумкин. Буни асло эсдан чиқарманг!
“Кун тарихи”ни кузатишда давом этинг.

свернуть