#APATV #Çıraqovlar #Çıraqovlarailəsi #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi
Ermənistan Laçın sakinlərinə nə qədər təzminat ödəməlidir? - APA TV
Azərbaycan Respublikası Ali Məhkəməsinin rəhbərliyi, Laçın sakinləri və media nümayəndələri sülhməramlıların müşayiəti ilə doğma yurda səfər ediblər.
APA TV-nin xəbərinə görə, heyətdə Laçın şəhəri, Zabux və Sus sakinləri, eləcə də “Çıraqovlar və digərləri Ermənistana qarşı” işi üzrə Avropa İnsan Haqları Məhkəməsində Ermənistana qalib gələn Çıraqovlar ailəsi olub. Səfər heyəti Çıraqlı, Ağbulaq və Kamallı kəndlərinə baş çəkiblər.
Laçın rayonunun Çıraqlı kəndindən olan Adışirin Çıraqov və Elxan Çıraqov qardaşları uzun illərdən sonra doğma yurda baş çəkməyin sevincini bölüşüblər.
2015-ci ildə Avropa İnsan Haqları Məhkəməsinin “Çıraqovlar və digərləri Ermənistana qarşı” işi üzrə qərarı ilk və yeganə beynəlxalq məhkəmə sənədidir ki, Ermənistanın Azərbaycan ərazilərini işğal etməsi faktı sübut və təsdiq olunur. “Çıraqovlar və digərləri Ermənistana qarşı” işi üzrə vətəndaşlarımıza dəyən ziyanın hesablanması zamanı hər ailəyə 2 milyona yaxın ziyan dəydiyi müəyyən olunur.
Ermənistan 7 ildir ki, Avropa İnsan Haqları Məhkəməsinin qərarına hörmətsizlik edərək azərbaycanlı məcburi köçkünlərə təzminatı ödəmir.
Avropa İnsan Haqları Məhkəməsinin qərarında bildirilir ki, Ermənistan azərbaycanlı məcburi köçkünlərin birbaşa Ermənistan dövlətinə qarşı iddialarına baxılması üçün mexanizm yaratmalıdır. Ancaq reallıq budur ki, ötən 7 il ərzində Ermənistan bu mexanizmi yaratmayıb. Avropa Şurası Nazirlər Komitəsi isə öhtəliyin icrası üçün Ermənistana heç bir təzyiq göstərməyib.
Ali məhkəmə sədrinin müavini Çingiz Əsgərov onu da bildirdi ki, artıq dövlətimiz bütün məcburi köçkünlərin pozulan hüquqları ilə bağlı müraciətlər edib.
Ocaqov qardaşları deyir ki, Laçın şəhəri, Zabux və Sus sakinləri, eləcə də erməni faşizmindən əziyyət çəkən digər həmvətənlərimiz “Çıraqovlar və digərləri Ermənistana qarşı” işinin izi ilə Ermənistanı beynəlxalq məhkəməyə verə bilərlər.
Avropa İnsan Haqları Məhkəməsinin qərarında bildirilir ki, Azərbaycanın işğal altında olan ərazilərində insan hüquqlarının pozuntusu ilə bağlı bütün hallara görə məsuliyyəti məhz Ermənistan daşıyır.
Qərarda etnik təmizləmə faktı öz əksini tapıb və göstərilib ki, həmin ərazilərdə bir nəfər də azərbaycanlı qalmayıb, erməni olmayan şəxslər həmin ərazilərdən qovulub, etnik təmizləmə baş verib.
✅ Rəsmi saytımız: [ Ссылка ]
✅ Rəsmi facebook səhifəmiz: [ Ссылка ]
✅ Rəsmi instagram səhifəmiz: [ Ссылка ]
✅ Rəsmi twitter səhifəmiz: [ Ссылка ]
✅ Rəsmi teleqram səhifəmiz: [ Ссылка ]
✅ Rəsmi youtube kanalımız: [ Ссылка ]
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv
