Мақпал Жүнісова бар ғұмырын өнер мен отбасына арнаған жан. Тіпті жолдасы марқұм болса да, оның орнын ешкім баса алмады дейді. Анасы да екінші рет тұрмысқы шығуға тыйым салған соң, бұл тақырыпты біржола жапқан.
“Зәкеңнің қайтқанына 15 жыл болды. Ол маған әлі тірі секілді. Архив бар, суреттер бар. Әлі тірі жүрген секілді. Қызымды күйеуге берсем, соңынан өзім де ұзатыламын деп әзілдеймін. Бірақ қазір маған кім қарайды? Жасым 56-да. Зәкең қайтқанда 41 жаста едім. 42-ге қараған шағым. Содан бері ешбір азамат келіп, “Мен саған ғашықпын. Маған тұрмысқа шық. Жүр менімен” деген емес. Ешкім ондай батырлық жасаған жоқ”, – деді әнші.
