Zyra e Kombeve të Bashkuara për Drogën dhe Krimin (UNODC) publikoi raportin e saj vjetor të drogës, duke nënvizuar shkatërrimin e shumëfishtë të shkaktuar nga një industri në rritje e kokainës.

Raporti Botëror i Drogës 2024, i publikuar më 26 qershor, hedh një vështrim në të dhënat globale gjatë viteve të fundit për të analizuar tendencat rreth substancave të paligjshme. Ai fokusohet në tendencat më të gjera globale, veçanërisht në lidhje me kultivimin e bimëve narkotike dhe prodhimin e drogave sintetike, ndërsa shqyrton gjithashtu ndikimin që industria e drogës ka në shoqëri dhe në institucione.

“Problemi i drogës po zgjerohet si nga ana e përdorimit ashtu edhe nga ana e ofertës. Ka më shumë prodhim, më shumë trafik, dhe gjithashtu kompleksitet, pra më shumë substanca,” tha Angela Me, shefja e kërkimit në UNODC.

Raporti detajon rritjen e prodhimit të kokainës dhe efektet e saj shkatërruese mbi popullsinë dhe mjedisin. Shkatërrimi që vjen nga drogat është një fenomen global dhe në Amerikën Latine, shpesh janë të rinjtë ata që preken më shumë.

Trafiku i drogës vazhdon të zgjerohet globalisht, ndërkohë që konsumi i drogës është në rritje. Ndërsa prodhimi i opiumit po bie, droga të tjera mund të zënë vendin e tij, ndërsa grupet e krimit të organizuar vazhdojnë të eksplorojnë industri të reja të paligjshme.

Grupet e trafikut të drogës janë zgjeruar me dhunë mes niveleve historike të prodhimit të kokainës, duke shkaktuar kërdi ekologjike dhe duke u zgjeruar në ekonomi të tjera kriminale.

Prodhimi i kokainës dhe rritja e bimëve të kokës kanë qenë në rritje të vazhdueshme për dekada, por viti 2022 pa një rritje dramatike. Raporti vlerëson se 2,757 ton kokainë u prodhuan globalisht në vitin 2022, një rritje prej 20% krahasuar me një vit më parë, dhe tre herë më shumë se sa ishte prodhuar gati një dekadë më parë. Këto vëllime kokaine erdhën pas kultivimit të 355,000 hektarëve tokë me bimët e kokës në vitin 2022, një rritje me 21% krahasuar me vitin paraprak.

Lulëzimi i prodhimit të kokainës ka çuar në një rritje të dhunës në Kolumbi, eksportuesin numër një të kokainës në botë. Rajoni i Paqësorit, në këtë vend, është prekur veçanërisht shumë pasi grupet e armatosura janë në luftë të hapur me njëri tjetrin për trafikun e drogës.

Por asnjë vend nuk e ka pësuar më rëndë nga bumi i kokainës se sa Ekuadori. Atje, bandat lokale janë mbingarkuar nga fluksi i kokainës dhe tani punojnë me organizata kolumbiane, meksikane dhe ballkanike për të trafikuar drogën përgjatë rrugëve ujore të Ekuadorit dhe në portet e tij ndërkombëtare. Ndërsa konflikti për trajektoret e trafikut është përkeqësuar, vrasjet janë shtuar, politikanë dhe kandidatë politikë janë vrarë dhe vendi ka rënë në një gjendje pothuajse të përhershme të jashtëzakonshme.

Në Karaibe, ku kombet ishullore përdoren si një pikë tranziti për të kaluar më pas kokainën në Amerikën e Veriut dhe në Evropë, bandat lokale kanë nisur luftën për të zgjeruar dhe mbrojtur territorin e tyre, dhe numri i vrajseve është rritur shumë po ahstu. E ndërsa kokaina rrjedh nëpër oqeane, vrasjet nuk ndalen.

"Nivelet befasuese të dhunës të lidhura me trafikun e kokainës dhe konkurrencën midis grupeve kriminale dhe bandave po prekin Amerikën Latine dhe Karaibet, si edhe vendet në Evropën Perëndimore," thuhet në raport.



"Askush nuk zgjohet një ditë dhe vendos të bëhet një trafikant droge. Këto vendime merren pasi kanë ndodhur një sërë ngjarjesh në jetën e dikujt."
Kështu e përkufizon botën e drogës një nga narkotrafikantët më të mëdhenj të botës.
Jeta e tyre është e mbushur me krime, trafiqe, vrasje, tradhti, bëma dhe mite.

Një seri dokumentarësh vjen në Top News, mbi lordët famëkeq të drogës.

Cartel
Çdo të dielë
Ora 21:00

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV

Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Cartel #TopChannel #TopNews

свернуть