Në një kohë që studentët e Mjekësisë protestonin para Kuvendit kundër projektligjit që i detyron ata të punojnë për 5 vite në Shqipëri dhe më pas të diplomohen, brenda Parlamentit opozita dhe mazhoranca u përfshinë në debate të forta për këtë çështje. Deputetja e PD, njëherësh Kryetarja e Komisionit për Edukimin dhe Mjetet e informimit publik, Flutura Açka i ka kërkuar qeverisë të anulojë vendimin, të cilin e cilëson një masë ekstreme ndaj studentëve.
Kundërpërgjigjien për deputeten demokrate e dha kryetari i grupit parlamentar të PS, Taulant Balla.
Akuzat kundër vendimit të qeverisë nuk i kurseu as ish-kryeministri Sali Berisha, i cili e cilësoi si një ndëshkim ndaj studentëve të Mjekësisë.
“Ky ligj i marrë hua nga Kuba aktuale ndëshkon çdo të ri që diplomohet mjek në këtë vend. Ju shkatërroni edhe bastionin e fundit të këtij sistemi jetik për qytetarët, Fakultetin e Mjekësisë. Kërkoj tërheqjen e ligjit si ligj atavist, anti-demokratik që shkelmon liritë dhe të drejtat e shqiptarëve”.
Edhe Berishës kundërpërgjigja i erdhi nga Balla, i cili tha se ai kërkon që mjekët shqiptarë të shkojnë në Gjermani.
“Shumë vende e kanë aplikuar këtë që po bëjmë ne. Nuk po shkelet Kushtetuta në respekt të nenit 57. Do të bëhesh mjek për Gjermaninë? Bëje shkollën atje, për Shipërinë do e bësh këtu dhe do i shërbesh 5 vjet”.
Debati në seancën parlamentare edhi pasi mazhoranca futi me procedurë të përshpejtuar miratimin e projektligjin që pengon studentët e Mjekësisë për t’u larguar jashtë vendit. Ai u votua në Kuvend me 64 vota pro dhe 24 vota kundër.
Studentët kanë paralajmëruar se do të bojkotojnë mësimin në sezonin e ri arsimor në Universitetin e Mjekësisë nëse nuk anulohet projektligji.
Sipas këtij projektligji, studentët që do të regjistrohen në Fakultetin e Mjekësisë e kanë kusht firmosjen e kontratës për të punuar për 5 vite në Shqipëri, dhe vetëm atëherë mund të tërheqin diplomën.
Studentët nga viti i dytë në vitin e gjashtë nëse nuk lidhin kontratë me Ministrinë e Shëndetësisë për të punuar në vendin tonë për 2 deri në 3 vite, do t’ju duhet të paguajnë tarifën të plotë studimi, e cila nuk është përcaktuar se sa do të jetë.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
Ещё видео!