ՔՈ ՁԱՅՆԸ [ Ссылка ]
Այսօր «Սարդարապատ» շարժման նախաձեռնող խմբի համակարգող Ժիրայր Սեֆիլյանը անդրադարձել է ապրիլի 2-ին տեղի ունեցած աղմկահարույց սպանությանը: «Այդ օրը մենք ականատես եղանք գործող համակարգի հերթական զոհին, այս դեպքում՝ մեր մարտական ընկերոջ՝ Հրաչ Մուրադյանի». նա դարձավ համակարգի զոհ, քանզի ընտրվելով երրորդ անգամ և լինելով համակարգի մեջ՝ պահպանեց իր ինքնուրույնությունը: Ժիրայր Սեֆիլյանը վստահություն է հայտնել, որ սպանությունը կատարվել է պրոֆեսիոնալի ձեռքով, ու կա հստակ պատվիրող: Ներկա քաղաքական իրավիճակը բանախոսը համարել է «Սարդարապատային», և այդ դրությունից դուրս գալու համար հարկավոր է համայն հայության համախմբում: Նա անիմաստ է համարում Րաֆֆի Հովհաննիսյանի բանակցությունները Սերժ Սարգսյանի հետ, որովհետև, ըստ Սեֆիլյանի, դիկտատորների հետ այդ ձևով չեն խոսում, չեն փորձում համոզել, որ պետք է հեռանաս... նրանց պարտադրում են:
