AzattyqLIVE тікелей эфирі Нұрсұлтан Назарбаевтың президенттік өкілетін тоқтатуы мен Қасым-Жомарт Тоқаевтың президенттік лауазымға отыруға ант қабылдауы тақырыбына арналады.
19 наурызда Нұрсұлтан Назарбаев республикалық телеарналардан халыққа үндеу жасап, президенттік өкілеттігін тоқтататынын мәлімдеді.
Назарбаев үндеу жасап жатқанда қол қойған "Қазақстан Республикасы президентінің өкілеттігін атқару туралы" жарлыққа сәйкес, оның президенттік өкілеті 20 наурызда тоқтатылады.
Ел конституциясының 48-бабының 1-тармағына сәйкес, Қазақстан президентінің өкілеті мерзімінен бұрын тоқтатылғандықтан қалған мерзімде оның өкілеті парламент сенатының төрағасы Қасым-Жомарт Тоқаевқа көшеді. Ол бұл қызметті жаңа президент сайланғанға дейін атқарады.
Конституцияның 48-бабы 2-тармағына сай, Тоқаевтың ант беру рәсімі, Орталық сайлау комиссиясының келісімімен, 2019 жылы 20 наурызда Астана уақытымен сағат 12:00-де парламенттің бірлескен отырысында өтеді деп хабарланды.
Азаттықтың Астанадағы түсіру тобы парламентте Қасым-Жомарт Тоқаевтың президенттік лауазымға ие болуына байланысты ант қабылдау рәсімінен тікелей эфирден хабар таратады. Ал Алматы студиясындағы AzattyqLIVE сұрақтарына саясаткер Әміржан Қосанов жауап береді. Сауалдарды Азаттықтың әлеуметтік желідегі парақшалары арқылы жолдауға болады.
Бізге жазылыңыздар:
Фейсбук: [ Ссылка ]
ВК: [ Ссылка ]
Твиттер: [ Ссылка ]
Телеграм: [ Ссылка ]
