Po mendoni t'i shtoni një anëtar të ri familjes suaj, por nuk e dini se kur është koha ideale nga ana biologjike? Nëse jeni midis moshës 25-30 vjeç, atëherë jeni në kohën e duhur për të bërë fëmijën e parë. Kjo është mosha më e mirë për një femër, që të bëhet nënë, sipas një studimi të kryer në SHBA. Ndryshimi i jetës ka ndryshuar dhe periudhën, kur familjet nisin të bëjnë fëmijën e parë. Nëse para disa vitesh mosha mesatare ishte 24 vjeç, sot ajo është rritur në 29 vjeç. Megjithatë, kjo gjë varet dhe nga shumë faktorë të jashtëm, si aspekti social, arsimor dhe ekonomik. Gjithsesi, femrat në zonat rurale kanë më shumë gjasa që të bëhen nënë në moshën 20-vjeçare, ndërsa femrat që jetojnë në zonën urbane, fëmijën e parë e nisin rreth moshës 31-32 vjeçare. Sipas ekspertëve, kjo ndodh për shkak se femrat që jetojnë në qytet i përkushtohen më shumë një përgatitjeje profesionale dhe kërkojnë të kenë të ardhura të mjaftueshme, kur të sjellin fëmijën e parë në jetë. Megjithatë, studiuesit amerikanë shprehen, se ndonjëherë për nisjen e një fëmije mjafton dëshira dhe personi i duhur, që keni përkrahë. Prandaj vajza, nëse i keni këto, atëherë nuk është as herët as vonë për të marrë këtë hap emocionues.
------------------------------------------
IN Tv Albania

Follow us:
[ Ссылка ]
[ Ссылка ]
[ Ссылка ]

Offcial website:
[ Ссылка ]

свернуть