Mən niyə baxıram yollara, yenə?
Sən ki, bu yollardan gələn deyilsən.
Bir zaman qoymazdın ürəyim yana
İndi bir dərdimi bilən deyilsən...
Qəmimdən xəbərsiz, məndən xəbərsiz,
Daha bu yerlərdə salmadın bir iz
Ürəyim nə yaman darıxır sənsiz?
Sən ki, bir danışıb gülən deyilsən...
İnsan baş çıxarmır bəzən özündən
İnciyir dostunun bircə sözündən
Mən çox ağlasam da sənin üzündən ,
Sən ki, göz yaşımı silən deyilsən...
Ещё видео!