#Каналгажазылыңыз.
Алматы облусунда аялын мыкаачылык менен сабап өлтүрүүгө аракет кылган жаран кармалды.

Кордукка кабылган Дина Тансарини коргоп жаткан #НеМолчиKZ фондунан билдиргендей, күйөөсү Адилбек Онгарбаев алдын ала төрт баласын чоң энесиникине жөнөтүп, аялын ичимдикке тойгузуп, андан соң аны сабап баштаган.

Тансаринин коргоочусунун айтымында Онгарбаев аялын өлтүрүүнүн жолдорун алдын ала ойлонгон. Ал ваннага суу толтуруп аялын сүйрөп алып барган. Муунтуп, бычак көтөрүп келип “менин көзүмө караба, антпесе сени өлтүрө албайм” деп жинденген. Фенди токко туташтырайын деп чубалгысын ала албай жатканда, аял качып чыгууга үлгүргөн. Жабырлануучунун жаагы эки жерден сынып кеткен, операция жасалышы керек.

Алматы полициясы Адилбек Онгарбаевге карата “денеге оор залал келтирүү” беренеси менен кылмыш ишин козгоду. Бирок Тансаринин жакындары буга макул эмес, алар “адам өлтүрүүгө аракет кылуу” беренесине которууну талап кылышууда.

Жубайлар 15 жыл расмий никеде жашап келген. Бул жылдар аралыгында аял зөөкүр күйөөсүнүн кордугуна чыдап жүргөн.

свернуть