Ingaruka mbi zo kwikinisha ni izihe?
Kwikinisha mu rugero ntacyo bitwara. Gusa mu gihe wikinisha cyane bishobora gutera igitsina cyawe kokera cyane. Ku bagore bikaba byabatera infection zitandukanye bitewe n’ibikoresho ukoresha, ku bagabo bikaba byatera kurangiza vuba igihe ukoze imibonano isanzwe
Izindi ngaruka harimo:
1. Kugabanuka k’ubushake bwo gukora imibonano isanzwe
Ku bagabo bikinisha cyane, bakunze kugira ikibazo cyo kubura ubushake bwo gukora imibonano mpuzabitsina ndetse bikaba byakurizaho indwara yo kutabasha gushyukwa (Erectile Dysfunction)
Ahanini biterwa n’uko uba wumva wihagije ndetse ukumva ibyishimo wabonera kuri mugenzi wawe nawe ushobora kubyihereza.
Gusa, inkuru nziza ni uko uku igihe gishira warabiretse, bwa bushake bwongera kugaruka.
2. Kanseri ya prostate
Nubwo ubushakashatsi bwimbitse butarakorwa niba kwikinisha byongera cg se bigabanya ibyago byo kwibasirwa na kanseri ya prostate kugira ngo tube twabyemeza neza.
Gusa bumwe mu bushakashatsi bwakozwe bwerekana ko kwikinisha cyane bigeze ku nshuro 5 mu cyumweru (cyane cyane ku bari mu myaka 20-30) byongera ibyago byo kwibasirwa n’iyi kanseri.
3. Kwishinja
Kumva wishinja ibyaha, ku bantu benshi bikinisha bumva bihabanye n’amahame yabo y’ukwemera, ndetse n’umuco bikaba byabatera kumva bishinja ibyaha n’ibindi.
Niba wumva nawe utewe ipfunwe no kwikinisha ni ngombwa ko wabiganira n’inshuti wizeye, umuganga cg se undi muhanga wagufasha kumva neza ibyiyumviro byawe.
4. Kwangiza ubuzima bwawe
Kwikinisha igihe kirekire bishobora kuguhindura imbata, ugatangira kwikinisha kurenza uko ubishaka, bityo bikaba:
• Byagutera kubura akazi kawe, cg se bikagabanya uburyo usabana n’inshuti zawe
• Gutuma utabasha kugira icyo witaho no kwirengagiza inshingano zawe
• Kuba byaguteranya n’umufasha wawe (ku bashakanye cg se abandi bakundana)

свернуть