Мемлекет басшысы Қасым-Жомарт Тоқаев Алматыға келді. Президент жедел штабтың отырысын өткізіп, жаппай тәртіпсіздік кезінде қаза тапқан полицейлер мен әскерилердің туыстарымен кездесті. Отан алдындағы борышын өтеуде ерлікпен көз жұмған азаматтарды 2-ші және 3-ші дәрежелі "Айбын" орденімен марапаттады. Және мемлекет басшысы қаладағы жедел медициналық көмек көрсету ауруханасында да болды. Жарақат бөліміндегі палаталарды аралап көрген Қасым-Жомарт Тоқаев террорлық акті кезінде зардап шеккен азаматтармен тілдесіп, олардың тез сауығып кетуін тіледі.
Жедел штаб жиынында президентке Алматыны қалпына келтіру бойынша жасалған шаралар туралы айтылды. Ұжымдық қауіпсіздік туралы шарт ұйымының күшімен қала террористерден тазартылып, қазір Алматының қалыпты өмірге қайта оралып жатқаны жеткізілді. Қала әкімі Бақытжан Сағынтаевтың сөзінше, мегаполистегі қоғамдық тамақтану орындары, базарлар, жанармай құю бекеттері, өндіріс нысандары мен қоғамдық көлік жұмыстарын бастады. Сондай-ақ, әкім тәртіпсіздік кезінде келтірілген шығын көлемін анықтау жұмыстары жүргізіліп жатыр деді. Ал мемлекет басшысы еліміздің ірі қаласына жасалған террористік шабуыл салдарын өз көзімен көру үшін Алматыға арнайы келгенін айтты. Өзі туған, сүйікті қаласы - әсем Алматыны тез арада қалыпқа келтіруді тапсырды. Бұл - менің Президент және еліміздің азаматы ретінде парызым деген Қасым-Жомарт Тоқаев Үкіметтің алдында қаланың келбетін бұрынғыдан да жақсарту міндеті тұр деді. Сөз соңында, Мемлекет басшысы ұжымдық қауіпсіздік туралы шарт ұйымына алғыс айтып, бітімгершілік мақсатта келген әскерилердің ертең елден шығарылатынын мәлімдеді.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#террор #Алматы #митинг #Тоқаев
Ещё видео!