Бүгін Қазақстанда– кірпік қақпай ел тыныштығын күзетіп жүрген шекарашылардың кәсіби мерекесі. Еліміздің шекара қызметіне отыз жыл толып отыр. Төл мерекелерінде Ұлттық қауіпсіздік комитеті шекара қызметі Ақтөбе облысы бойынша департаменті қызметкерлері салтанатты жиында бас қосты. 50-ге жуық қызметкер алғыс хаттармен марапатталды. Олардың арасында ҚР Ұлттық қауіпсіздік комитеті төрағасының орынбасары Ерлан Алдажұмановтың атынан арнайы грамота алғандары да бар. Елдің шетінде, желдің өтінде тұрып, ұлан-ғайыр жерімізді қызғыштай қорғап, халық тыныштығын қамтамасыз ету – кез келгеннің қолынан келе бермейтін қиын қызмет. Сол қызығы мен шыжығы қатар жүретін абыройлы міндетті арқалаған мамандық иелері – шекарашылар. 18-ші тамыз – аталмыш сала мамандарының кәсіби мерекесі, яғни шекарашылар күні. Осыған орай, облыс орталығында орналасқан Қазақстан Республикасы Ұлттық Қауіпсіздік Комитеті шекара қызметінің жергілікті департаменті төл мерекелерін атап өтті. Республикалық шекарашылар жасағы Елбасы қаулысымен 1992-ші жылы құрылған. Сол сәттен бері сала мамандары түн демей, күн демей міндеттерін мінсіз атқарып келеді. Елде шекарашылардың алаңсыз қызмет етуіне бар жағдай жасалған. Барлық бөлімдерде материалдық-техникалық база заман талабына сай жаңартылуда. Өңірдегі 13 шекара бекеті заманауи техникалармен жабдықталған. Мереке күні Ұлттық қауіпсіздік комитеті шекара қызметі Ақтөбе облысы бойынша департаментінің 20 сарбазына облыс әкімі атынан "Алғыс хаттар" табысталды. Тағы 20 сарбаз қала әкімі атынан марапат алды. Мерекелік жиын соңы концертке ұласты. Өздеріне көрсетілген ықыласқа ризашылығын білдірген әскерилер, әрдайым ел тұрақтылығы үшін қызмет етуге дайын екендіктерін жеткізді.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
![](https://i.ytimg.com/vi/nG_KLFOrxfM/mqdefault.jpg)