TIRANE- Kryeministri Edi Rama ka replikuar ashpër me deputeten e opozitës, Rudina Hajdari. Teksa debati për ndërtimet pa leje kaloi tek kritikat e Hajdarit për mënyrën sesi shefi i qeverisë i reklamoi takimet e zhvilluara në Berlin e Bruksel, Rama vijoi duke i thënë Hajdarit se flet njësoj si Lulzim Basha, dukle mos kuptuar çfarë artikulon, referuar deklaratës së Hajdarit, se shërbimi parësor shëndetësor nuk funksionon.
Pjesë nga fjala e Edi Ramës:
Edi Rama: Opozitën nuk e zgjedh. E ke. E kishim opozitën këtu. Jeni si dy pika uji me ata që nuk janë këtu. Nëse ka ndryshim mes jush dhe Bashës është se ai gënjen me dashje, ju gënjen pa dashje, ai bën sikur s’kupton, ju nuk kuptoni, pra nëse do të bëja një krahasim për ndërtimet me leje, fjalimet e tij janë si ndërtime me leje që dalin nga leja, fjalimet tuaja janë pa leje komplet. Këtu flasim në mënyrë konkrete, ju kaloni nga betonizimi tek kontrolli bazë tek blloku në Tiranë. Një bolori fjalësh tamam si vër tulla hidh mistri, pa e ditur çfarë po ndërtohet. S’mund të dalloni fantazinë, metaforën, gënjeshtrën, akuzën. Një trishtim i madh kur mendon se flisni në emër të të resë. Cfarë do të bëni? Kush do ta bëjë me ju këtë? Nëse ka diçka që ju mund të bëni, është sistemi i fjalëve dhe rrugëve të mendimit. Niseni nga rrugët e mendimit. Ju thoni, që ju këtu, keni një kapacitet dëgjimi shumë të ulët. Ndryshoni komplet fjalët që mendoni ose pretendoni se po ju kundërvihen. S’thashë që s’kam qenë kryetar bashkie, unë thashë që kam qenë, dhe iu referova një problematike që lidhet me sistemimin e punëve në atë fushë. Flisni për betonizimin, se ku e keni gjetur…në atë pusin e paditurisë që prodhon fjalë, pa patur parasysh çfarë thoni. Jemi në vitin 2020, ka 2020 vite histori. Ca flet, çar thua? përse flet (ul zërin). C’lidhje kanë këto sallata fjalësh që gatuan këtu në foltore? Cdmth betonizim? E ke idenë çfarë është betoni? Gur artificial, që ta mësosh… ke parë aty ku udhëton ndërtime me kashtë? Arsyeja pse mora fjalën s’është që të bëj polemikë me ju, por duam s’duam, ju jeni opozita. Meqë ju sollët këtu të gjitha veshgjatësitë që përsëriten nga ata që ju udhëhiqnin juve deri dje dhe u fol shumë fol e fol se diçka do mbetet, edhe unë po flas se diçka do mbetet.
Mbi ç’bazë ju thoni se po emigrohet? Mbi cilat të dhëna? Apo nga institucioni i propagandës që buron nga mllefi, padituria dhe mendjelehtësia? Jeni një kopje e nxehtë e origjinalit që na la. Kështu, s’keni asnjë mundësi të sfidoni asnjë. Thjesht përsëritni ato që keni mësuar duke dëgjuar gramafonin origjinal. Këto s’janë të vërteta. Përse e keni fjalën që në spitale s’ka krevate, s’ka mjekë? Me siguri, më vjen edhe mirë që s’keni patur nevojë, por nëse do të shkoni të shihni spitalet, niseni nga QSUT, me të gjithë mungesën e vullnetit do e shihni se ka ndryshim të madh. Përse e keni fjalën? Kujt ia thoni këtë? Ua thoni gjysëm milioni që kanë bërë kontrollin shëndetësor falas? Askush prej tyre s’mund t’ju respektojë sepse ata kanë provën. Shkoni zonja Hajdari, bëjeni. Për t’a kontrolluar, bëhet apo s’bëhet. Përgjigjen e merrni edhe në kompjuter. Përse thoni për kontratë korruptive? E dini ju që deri kur erdhëm ne në qeveri, një përqindje drithëruese përfundonin për shkak të infeksioneve post-operatore. Sot kryehen 95 mijë operacione në vit. Deri dje, shumë nëna që shkonin për të lindur në maternitet, s’dilnin dot se kishin infeksion post-operator. Kështu, konsumonin organizmin e tyre, më shumë para që të vinin dhe zinin krevatët. Ishin instrumentat e pasterilizuara, që ta dini ju, se s’ju futet gjë në kokë se e keni kokën të mbushur me broçkulla. Ku ishte ti? Për cilën Shqipëri flet ti? E di që deri para ca kohësh këtu bëheshin operime me mjete kineze. Shko dëgjo Besnik Elezin. Sterilizoheshin mjetet me alkool dhe më pas shkohej e i futej njeriut në trup. Si stë vjen dhe turp se je edhe nënë. Në rastin më të mirë janë broçkulla, ti shkon pas fjalës, se të shkon fjala para se mendja të përpunon mendimin. Cilin pazar kam ndarë? E kam sfiduar udhëheqësin fizik, Lulzimin dhe shpirtërorin, Saliun në gjyq se s’provonin dot akuzat. Unë e di që shumëkush nga ata që dëgjojnë, dhe ata janë tifozë. Por ti më merr të keqen mua për pazare dhe ndarje pazaresh.
Lexoni të plotë lajmin në linkun: [ Ссылка ]
Për të ndjekur kanalin tonë në YouTube bëni subscribe në: [ Ссылка ]
Like Dosja.al në Facebook: [ Ссылка ]
Follow Dosja.al në Instagram: [ Ссылка ]
Follow Dosja.al në Twitter: [ Ссылка ]
Ещё видео!