Salam Aleykum va Rahmetullahi va Barakatuh

"De: “O Allah Təkdir!, Allah Möhtac deyildir. O, nə doğub, nə doğulub, Onun bənzəri də yoxdur". (əl-İxlas, 1-4)

Ateistlərin sizə verdiyi bu sual əsl etibarilə batil və özü-özlüyündə zidd bir sualdır. Əgər biz-arqument naminə- Allahı kimsə yaradıb deyə söyləsəydik, o zaman onlar sizdən soruşacaqdılar ki, yaxşı bəs yaradanın yaradanını kim yaradıb? Bu halda, onların məntiqi ilə belə bir silsilə yaranır: yaradanın yaradanının yaradanını kim yaratmışdır?! Və ilə axır, sonsuza qədər. Bu qeyri-məntiqi və qeyri-mümkündür.

Allahın Rəsulu (Ona Allahın salavatı və salamı olsun) demişdir: “Şeytan sizlərdən birinin yanına gələrək belə söyləyəcək: “Bunu və bunu kim yaratmışdır? (Sualları davam etdirərək) sonda belə söyləyəcək: “Rəbbini kim yaratdı? Belə bir şey baş verdikdə, həmin insan Allaha sığınsın (yəni, Əuzu Billəhi min əş-şeytanir racim=Məlun şeytandan Allaha sığınıram) və bu barədə düşünməsin.

Allahın Elçisi (Ona Allahın salavatı və salamı olsun) demişdir: “Ey Allahım, Sən Əvvəlsən və Səndən öncə heç bir şey yoxdur, Sən Axırsan və Səndən sonra heç bir şey yoxdur.” Müslim, 2713

Allahın Rəsulu (Ona Allahın salavatı və salamı olsun) həmçinin demişdir: “Heç bir şey yox ikən Allah var idi”. Digər bir rəvayətdə demişdir: “Ondan əvvəl heç bir şey yox idi.” Buxari, 3020 və 6982

свернуть