► ដើម្បីទទួលបានចំណេះដឹងល្អៗមុនគេ សូមពុកម៉ែបងប្អូនចុចលើពាក្យ Subscribe រួចចុចលើសញ្ញាកណ្ដឹង សូមអរគុណ
►ទាំងនេះគឺជាការរួមបញ្ជូលចំណេះដឹងគ្រប់ទិសទី ខ្ញុំសង្ឃឹមថា វានឹងបានជាប្រយោជន៍ដល់បងប្អូន
#មនោមយិទ្ធិ ភាគទី 1+2 - ការសាងអំណាចចិត្តអោយរឹងមាំ | Mind Power Full Speak Khmer 2020
មនោមយិទ្ធិ ប្រែថាអំណាចរបស់ចិត្ត ឬសម្រេចបានដោយអំណាចរបស់ចិត្ត។ មនោមយិទ្ធិ ជាប្រភេទទស្សនវិជ្ជាអប់រំសាងកម្លាំងដួងចិត្ត។ ជនទាំងឡាយណាដែលបានអនុវត្តន៍ ខ្ជាប់ខ្ជួន តាមគោលការណ៍ណែនាំទាំងនេះ នឹងក្លាយទៅជាមនុស្សមានចិត្តរឹងប៉ឹង អាចបង្គាប់ខ្លួនឯង អ្នកដទៃ និងបញ្ជៀសគ្រោះអាក្រក់ដែលបម្រុងនឹងកើតមាន ចំពោះខ្លួនបានទៀតផង។
ហេតុអ្វីយើងត្រូវប្រើមនោមយិទ្ធិបង្គាប់ខ្លួនឯង ? បើប្រើបង្គាប់អ្នកដទៃតែម្តង មិនល្អជាងឬ ?
នេះជាបញ្ហាដែលគេតែងចូលចិត្តសួរ ហើយចម្លើយក៏មានដូចតទៅនេះ
នរណាក្នុងលោកនេះ អាចក្លាយជាទីពឹងបានល្អបំផុត ជាងខ្លួនយើង ?
តើនរណានឹងធ្វើប្រយោជន៍អោយយើង បានច្រើនស្មើរនឹងខ្លួនយើង ?
ហ្ល័កធម៌គ្រប់លទ្ធិតែងអះអាងថា ខ្លួនជាទីពឹងរបស់ខ្លួនយ៉ាងប្រសើរបំផុត ។ ហើយខ្លួនឯងធ្វើប្រយោជន៍អោយខ្លួនឯងបានច្រើនជាង និង ល្អខ្ជាប់ខ្ជួនជាងអ្នកដទៃធ្វើអោយ ។ កាលបើដូចច្នេះ បើយើងចង់ប្រើមនោមយិទ្ធិដែលបណ្តុះឡើងមកហើយ ទៅបង្គាប់អ្នកដទៃ យើងគួរប្រើមនោមយិទ្ធិនេះ បង្គាប់ខ្លួនយើងអោយធ្វើប្រយោជន៍ដល់់ខ្លួនឯង ដោយមិនចាំបាច់រុកកួនអ្នកដទៃ មិនល្អជាងឬ ?
ប្រការមួយទៀត ការដែលអ្នកដទៃធ្វើអាក្រក់ដាក់យើងយ៉ាងណា ក៏មិនស្មើរខ្លួនយើងធ្វើអាក្រក់ដាក់ខ្លួនយើងដែរ ។ បើអ្នកដទៃធ្វើមកប្រទូស្តរាយយើង យើងក៏មានផ្លូវទាមទារតម្លៃខូចខាតបាន តែបើយើងធ្វើដាក់ខ្លួនឯងវិញ តើទៅទាមទារតម្លៃខូចខាតពីអ្នកណា ?
ដូចនេះការប្រើមនោមយិទ្ធិបង្គាប់ខ្លួនឯង មិនអោយធ្វើអាក្រក់ចំពោះខ្លួនឯង ទើបជាការចាំបាច់ក្រៃលែង ជាជាងការប្រុងការពារអំពើអាក្រក់ពីអ្នកដទៃ ។
ដោយមានការពិសោធន៍ពិតប្រាកដមួយថា អ្នកដែលមិនអាចបង្គាប់ខ្លួនឯង ក៏ពុំអាចបង្គាប់អ្នកដទៃបានដែរ នេះជាគោលធម្មជាតិតាមចិត្តសាស្រ្ត ដូចនេះអ្នកដែលចិត្តក្តៅទៅហ្វិកហាត់បង្គាប់អ្នកដទៃ មុនបង្គាប់ខ្លួនឯងអោយសម្រេចជាមុន ជននោះនឹងបង់កំលាំងអសារឥតការ ឥតបានផលអ្វីឡើយ ។
មនោមយិទ្ធិបង្គាប់ខ្លួនឯង មានចែកជា៧ ប្រការ
ប្រការធំទី ១ បង្គាប់ការដេកលក់ និង ភ្ញាក់
ប្រការធំទី ២ ធ្វើការគិតអោយស្រឡះក្នុងវេលាដែលភ្ញាក់
ប្រការធំទី ៣ ផ្លាស់ការគិតបានតាមតម្រូវការ
ប្រការធំទី ៤ ចិត្តស្ងប់សូម្បីធ្លាក់ក្នុងអន្តរាយ
ប្រការធំទី ៥ ផ្លាស់ទន្លាប់និស្ស័យរបស់ខ្លួន ពីអាក្រក់ មកល្អ
ប្រការធំទី ៦ ត្រួតត្រាមើលខ្លួន ជារបស់ខ្លួនដោយទៀតទាត់
ប្រការធំទី ៧ ការពាររក្សាខ្លួនដោយមនោមយិទ្ធិ
#IdeaSuccess #MindPower
Ещё видео!