#TheNewTestament
#JesusChrist
#Christ
#Salvation

Si San Juan ang Alagad o San Juan Apostol. Karaniwang inihahambing siya kay Oseas, ang propeta sa Lumang Tipan ng Bibliya. Kung si Oseas ang siyang "propeta ng pag-ibig," si San Juan ang Alagad ang tinatawag namang "santo ng pag-ibig." Isa siyang mangingisda, na kapatid ni Santiagong Matanda; mga anak sila ni Zebedeo. Siya ang may-akda ng ikaapat na ebanghelyo, ang Ebanghelyo ni Juan, na nasa Bagong Tipan ng Bibliya, kaya nga kilala rin siya bilang Juan ang Ebanghelista. Bukod sa pagiging Juan ang Banal at Juan ang Teologo, siya rin ang "ang alagad na minamahal ni Hesus."

Itinuring siyang isang teologo sapagkat may natatanging katayugan ang kaniyang mga naisulat, na may iisang layunin: ang pagpapatunay ng pagiging Diyos ni Hesukristo. Una siyang naging alagad ni Juan Bautista bago napabilang sa labindalawang alagad ni Hesus. Siya ang apostol na "humilig sa dibdib ng Panginoon Hesus." Naging kinatawan siya ng mga espirituwal na mga anak ng Birheng Maria. Bukod sa Ebanghelyo ni Juan, si San Juan rin ang kinikilalang sumulat ng Mga Sulat ni Juan at ng Aklat ng Pahayag (o Apokalipsis) na kapwa matatagpuan din sa Bagong Tipan ng Bibliya. Isinulat niya ang kaniyang ebanghelyo noong mga 95 hanggang 100 sa panahon ni Nerva. Ito ay pagkaraang makabalik siya sa Efeso mula sa pagkakatapon sa kaniya ni Domiciano sa pulo ng Patmos. Dahil sa pagkakatapong ito sa Patmos, tinatawag din siyang Juan ng Patmos. Sinulat niya ang Aklat ng Pahayag habang nasa pulo ng Patmos noong mga 81 hanggang 96, kaya mas nauna niyang inakdaan ang Aklat ng Pahayag kaysa kaniyang ebanghelyo.

Isang katangian ng kaniyang ebanghelyo ang pagiging kronolohiko o ayon sa pagkakasunud-sunod ng mga pangyayari at panahon. Sinikap din ni San Juan na mailagay sa Ebanghelyo ni Juan ang mga bagay na hindi mababasa sa ibang mga ebanghelyo ng Bibliya.


Disclaimer:
I do not claim any ownership on all the recording and music in this video that I have created. The intention is for promotion use only and does not intend to infringe the rights of the artists/owners.

свернуть