Оралдағы кәсіпкер Виталий Каркуланың өлімін ұйымдастырған күдікті Алматыда ұсталды. Ақпанның онында Батыс қазақстан облысының құзырлы орган қызметкерлері Азамат Тоғаевқа іздеу жариялаған еді. Бір тәулік өткен соң, үш рет сотты болған күдікті қолға түскен.
Отыз төрт жастағы Азамат Тоғаев Ресей Федерациясының Орынбор облысының тумасы. Ол бұған дейін де адам өлтіру, қарақшылық істері бойынша сотталып, соңғы рет 2012 жылы босап шыққан. Кәсіпкердің үйіне Тоғаев пен оның қасындағы екеу 13 қаңтарда шабуылдап, 61 жастағы Виталий Каркуланы үш рет атып өлтірген. Ал 59 жастағы әйелі Валентина Каркула басынан ауыр жарақат алған болатын.
Жазира КЕНЖИЕВА:
Жүргізілген іздестіру іс шаралары барысында бұл аса ауыр қылмыспен Тоғаевтын Алматы қаласында жүрген деген ақпарат келді. Батыс Қазақстан облысынын ІІД арнайы тобы Алматы қаласында 2014 жылдың 11 ақпанында Тоғаевты құрықтады. Бұл іске Алматы қаласының ІІД Арлан арнайы мақсаттағы бөлімінің қызметкерлері зор үлестерін қосты. Батыс Казақстан полицейлері барлық азаматтарға және бұқара ақпарат құралдарына зор алғыстарын білдіреді.

свернуть