#APATV #paşinyan #Qarabağ #Azərbaycan #Şuşa #İlhamƏliyev #Ağdam #Hadrut #ermənistan #rusiya #əsgər #bəyanat #müharibə #putin #dəhliz #atəşkəs #hərbi #parlament #işğal #müzakirə #məğlub #44gün #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023
Paşinyan necə məğlub olduqlarını anbaan anlatdı – GİZLİ MƏQAMLAR – APA TV
“Qarabağda hərbi əməliyyatların bitməsi və atəşkəs barədə Üçtərəfli bəyanat üzrə Rusiya, Azərbaycan və Ermənistan liderlərinin danışıqları 6 noyabr 2020-ci ildə başlayıb”.
Bu sözləri Ermənistanın Baş naziri Nikol Paşinyan 44 günlük müharibədə baş vermiş hərbi əməliyyatların şəraitinin araşdırılması üzrə parlament komissiyasının iclasında deyib.
Paşinyan bildirib ki, oktyabrın 7-si Rusiya Prezidenti Vladimir Putinin ad gününü təbrik etmək üçün zəng edən zaman Azərbaycanla müharibənin dayandırılması üçün cəhd edilib. Putin müharibəni dayandırmaq üçün vasitəçilik səyləri göstərmək istədiyini bildirib. O isə şərtlərlə tanış olub, razılaşdığını deyib. Bildirib ki, atəşkəs heç bir ilkin şərt olmadan əldə edilməlidir.
Onun sözlərinə görə, həmin gün axşam Putinlə təkrar dialoqu baş tutub və o deyib ki, Prezident İlham Əliyev bununla razılaşmayıb:
Onun sözlərinə görə, sonrakı günlərdə üçtərəfli bəyanatı bir şərtlə imzalamağa razılaşıb ki, orada Ermənistan ərazisindən keçən ekstraterritorial dəhlizlə və Şuşa ilə bağlı müddəalar olmayacaq. Bundan əlavə, Ermənistan Hadrutun müqabilində Ağdam rayonunu geri qaytarmağı təklif edib.
Paşinyan Rusiya Prezidentinin vasitəçiliyi ilə danışıqları davam etdirdiyini qeyd edib və 8-9 noyabr tarixlərində onlar arasında 20-yə yaxın, müharibə davam etdiyi müddət ərzində isə 60-a yaxın telefon danışığı olduğunu əlavə edib.
Paşinyanın sözlərinə görə, bir müddət sonra məlum olub ki, bu bəndin oraya daxil edilməməsi ilə bağlı razılıq əldə olunub. O bildirib ki, noyabrın 9-dan 10-a keçən gecə hərbi əməliyyatların intensivliyi artıb, həmçinin Xankəndi səmasında çoxlu sayda pilotsuz uçuş aparatlarının olması barədə xəbərlər yayılıb. Paşinyan əlavə edib ki, mürəkkəb və uzun sürən müzakirələrdən sonra məlum sənədi imzalayıb. O qeyd edib ki, sənədin son versiyası 9 noyabr səhəri təklif olunan variantdan pis olsa da, Mehri vasitəsilə Azərbaycana dəhliz verilməsi və ya Tavuş vilayətindəki sovet anklavlarının təhvil verilməsini təklif edən variantdan daha yaxşı oldu.
Paşinyan bildirib ki, Şuşanın işğaldan azad edilməsindən sonra Xankəndi hücuma məruz qalacaq, Xocavənd istiqamətində gərginlik artacaqdı.
“Ən əsası isə 25 minə yaxın erməni əsgəri mühasirəyə alına bilərdi”, - deyə baş nazir əlavə edib.
Qeyd edək ki, Ermənistan parlamentində Baş nazir Nikol Paşinyanın iştirakı ilə keçiriliən 44 günlük müharibənin araşdırılması üzrə komissiyanın iclasına bir sıra yüksək rütbəli hərbi və siyasi xadimlər dəvət edilib.
✅ Rəsmi saytımız: [ Ссылка ]
✅ Rəsmi facebook səhifəmiz: [ Ссылка ]
✅ Rəsmi instagram səhifəmiz: [ Ссылка ]
✅ Rəsmi twitter səhifəmiz: [ Ссылка ]
✅ Rəsmi teleqram səhifəmiz: [ Ссылка ]
✅ Rəsmi youtube kanalımız: [ Ссылка ]
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv
