Шығыс Қазақстан облысының Мамырсу ауылындағы 200 орындық Мәдениет үйі қайта жаңғыртудан өтуде.

Осыдан 30 жыл бұрын салынып, кейін біраз жыл қараусыз қалған нысан қазір күрделі жөнделуде.

Оған аудандық бюджеттен 54 миллион теңге бөлініпті. 20 адам еңбекпен қамтылып отыр. 3 мыңнан астам халқы бар Аягөз қаласының іргесінде бұл округ үшін Мәдениет үйінің маңызы зор.

Жөндеу жұмыстары аяқталған соң мұнда тұрақты тағы бірнеше адамға жұмыс табылмақ. Жалпы бұл ауылда соңғы жылдары игі өзгеріс көп. 2 шақырым жол жөндеуден өтіп, ауыз су мәселесі де шешімін таппақ.

свернуть