Plus jamais ça !!!

Abagome ntibazongera kudutera ubwoba, kuducecekesha, kudukanga, batureba igitsure ngo dukunde duceceke babone uko biyicira umwe umwe. Plus jamais !!
Audios numvise kuri plate-forme NGIRA NKUGIRE

Madame Nyiramongi Angelique,
Madame Mudahogora Chantal,
Monsieur Nkaka Damien,
Monsieur Frank Imfura ( ou Kayigamba)
([ Ссылка ])

Izo audios zanyibukije neza neza Radio RTLM na 1994.
- Ngo abanzi b'igihugu, (Abitwaga abanzi icyo gihe na bo bali kubyita abandi) !!!!!
- Ngo Kizito n'ubuzito bwe, oooohhh my God !!!!!!!!!!

Ntabwo nali kubireka bigatambuka, Kizito ni umunyamahoro, yali afite urukundo rw'igihugu n'banyarwanda bose, yali afite ukwemera ruri ku rwego tutarageraho.
Umurongo yafashe wo kubabarira, kwiyunga, nywiyumvamo 5/5.

Narababaye cyane numvise abacitse ku icumu bamwita umwanzi, bavuga ko abahanzi bashyize hamwe (na njye ndimo) bakizihiza isabukuru ye na bo babaye abanzi b'u Rwanda.
Umugome ni we ugomba kuntinya, si jye ngomba kumutinya.

Ntabwo bizasubira !! Ko abagome baducecekesha, Plus jamais!!!!
Mu muco nyarwanda iyo umuntu yatandukiriye bamukosoraga babinyujije mu ndirimbo baririmbaga mu gitaramo (Rugenera Yariyamamaje, Munyandinda mugabo utema ishyamba ....)
---------------------------------------------------------------------------------------------------------------------------------

NTIRUGIRA UMWANZI !! (u Rwanda)


Oya waya, ntabwo nzongera kurebera, Oya waya,

1. Hali igihe nikomanga, ku mutima wanjye, nyujijeyo umweyo
Nkibuka birya bihe, mu mateka yacu, byogahera
Abemera n'abashishozi
Bose baracecekeshejwe
Abagome bafata intwaro, bafata n'ijambo, batubibamo ubwoba
Bati uwo tuzasanga, yarahishe umwanzi, w'igihugu cyacu, bazajyanirana
Abaturanyi baba abanzi
Baducamo ibice byombi
R/ Oya waya, ntabwo nzongera kurebera
Oya shenge, U Rwanda ntirugira umwanzi

2. Ni uko ubwenge buva ku gihe, ubwoba buduhindura ibishushungwa
Dutinya guhisha abantu no gufata ijambo ngo duhoshe, ngo tutiyicirwa
Twibaniraga neza
Tugasabana
Imirimo twarayihuzaga, dugasangira byose, tukagobokana
Abarezi Abarimu, n'abaforomokazi, babyazaga ababyeyi
Babashoreye turebera pardon
Baduteye ubwoba nk'uku
R/ Oya disi, ntabwo abagome bazongera
Oya shenge, u Rwanda ntirugira umwanzi

3. Yazaga atitira cyane, imbeho yaramwiciye iyo mu mashyamba
Yazanaga intege nkeya, inzara yaramwiciye iyo ku gasozi
Yazaga afite agahinda kuko yamenye uko iwabo byagenze

Yazaga ananiwe cyane, kuko yayagenze amajoro n'imitaga
Yazaga afite n'umwanda, kuba yaravogereye ibishanga
Yakubona agatakamba ati mbabarira umpishe mu nzu

Uti gira bwangu uve ahangaha
Hatagira abahagusanga
Ngo uli umwanzi w'igihugu cyacu
Bataza gusahura ibyanjye
Bataza kunyicira abana
Mbabalira hoshi genda
R/Oya waya, Ntabwo nzongera gusuna
Oya shenge, U Rwanda ntirugira umwanzi

4. None rero munyarwanda, nguhe igipimo cy'umutima wawe
Birya uvuga ngo urasenga, ujya mu mwuka ukavuga ishapule
Mbwira iyo Kizito aza kuza, muri bya bihe by'itsembatsembabwoko
Akagukomangira ali mu gicuku abishi bamuri inyuma

Avuye kubundabunda iyo mu rufunzo cyangwa mu mukenke
Avuye iyo i kantarange, mu mbeho nyinshi, imvura y'umuvumbi
Akaza agutakambira ati mbabarira, umpe icyo nshyira mu nda
Akaza agutegera yombi ati ca inkoni izamba umpishe irya none

Mbwira uko wali kugenza
Wugurura ingoro yawe
Uti bizabe uko bishaka
Cyangwa wali kumutanga !
R/ Oya waya, nta kamaro ko gusenga
Oya nyabusa, Ubwoba buruta uwo usenga

5. Ntawe wali guhisha
Niba waratinye kumusura
Niba waratinye kujya mu misa
Niba utaramukomereje umuryango
Niba utinya kumva uturirimbo twe
Niba uhishahisha ko umukunda
Niba umufata nk'inyangarwanda

Niba uli umukuru wa Ibuka
Niba uli umuyobozi wa FARG
Niba ukuriye CNLG
Niba uyobora Radio Rwanda

свернуть