Ministri i Punëve të Brendshme të Kosovës, Xhelal Sveçla ka reaguar përmes një postimi në Twitter ndaj sulmit të një dite më parë ndaj një automjetit të policisë në veri. Svecla thotë se episode të tilla, janë të orkestruara me nje qëllim të qartë. “Sërish patrulla e Policisë së Kosovës qëllohet me armë zjarri. Grupet kriminale të mbështetura nga Serbia synojnë të krijojnë një atmosferë frike dhe pasigurie duke targetuar zbatimin e ligjit”, ka shkruar ai.
Ministri nënvizon më tej se qëllimi është që ta bëjnë veriun e Kosovës zonë të paligjshme dhe të udhëhequr nga kriminelët. “Por përpjekjet e tyre përfundimisht do të dështojnë”, shtoi ai. Një automjet zyrtar i Policisë së Kosovës është sulmuar me armë zjarri këtë të premte në veri të vendit, ndërkaq Policia njoftoi se persona të dyshuar kanë shtënë me armë zjarri në drejtim të patrullës policore, e cila ka qenë me detyrë zyrtare në lokacionin Banjskë – Izvor të Komunës së Zveçanit.
Të premten, persona të panjohur hapën zjarr mbi një patrullë policore, duke i shkaktuar mjetit dëmtime por fatmirësisht, asnjë nga efektivët nuk mbeti i plagosur. Ngjarja ndodhi në Banjskë – Izvor të Komunës së Zveçanit. Njësitë policore zbuluan më pas gjatë verifikimeve një automjet të braktisur (xhip-opel), në një rrugë malore në distancë prej rreth 250 metra largësi, i cili dyshohet se mund të jetë përdorur për këtë rast. Ky është incident ii dytë i këtij lloji brenda disa ditësh në veri. Episodi i fundi ishte a ii 23 janarit në Bistricë të Leposavicit, kur dy serbë refuzuan që të ndaleshin në një pikë kontrolli dhe Policia shtiu me armë zjarri drejt veturës, duke plagosur njërin prej tyre.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Kosove#XhelalSveçla#TopChannelNews
Ещё видео!