Një prokuror dhe një oficer gjyqësor nga Britania e Madhe kanë mbërritur në prokurorinë e Lezhës. Ata janë interesuar në lidhje me hetimet për vrasjen e biznesmenit Ardian Nikulaj në Shëngjin. Mësohet se prokurori dhe oficeri anglez kanë kërkuar të dhëna për aktet procedurale dhe provat që implikojnë shtetasit e tyre në këtë ngjarje.
2 përfaqësuesit e drejtësisë britanike kërkojnë prova për të prangosurit para se për ta të zhvillohet seanca e parë ku do të shqyrtohet kërkesa e autoriteteve shqiptare për ekstradim. Prokuroria shqiptare i ka nisur provat kryesore në drejtim të Britanisë së Madhe. Hetuesit britanikë janë takuar me drejuesin e prokurorisë së Lezhës Erion Shehja dhe njëherazi prokurori që drejton hetimet.
Ata kanë kërkuar të dhëna më të hollësishme për përfshirjen e qytetarëve të tyre, në organizimin dhe ekzekutimin e biznesmenit Ardjan Nikulaj. Pak ditë më pare, 4 të prangosurit u lanë në burg nga një gjykatë në Londër pasi arrestimi i tyre u vlerësua i ligjshëm. 10 ditë pas atentatit ndaj Nikulajt në kryeqytetin britanik u vunë në pranga shqiptari Edmond Haxhia si dhe 3 britanikë bashkëpunëtorë në ngjarje, Stephen Hunt, Thomas Mithan, dhe Harriet Bridgeman.
Në kërkim për ekzekutimin e biznesmenit nga Shëngjini është Ruben Saraiva i cili akuzohet si personi që qëlloi në drejtim të tij si dhe Harry Simson i cili sipas autoriteteve shqiptare ka patur rolin e vëzhguesit dhe është larguar nga Shqipëria menjëherë pas vrasjes. Kërkimet për ta janë shtrirë në 4 shtete, mes tyre edhe Portugalinë dhe Anglinë vendlindjet e dy të kërkuarve.
Policia zbardhi ngjarjen dhe ra në gjurmët e 6 persoanve pas provave biologjikeqë u gjeten në veshjet dhe motorrin që përdori portugezi Saraiva i cili dyshohet si ekzekutori.
Biznesmeni Ardian Nikulaj u qëllua për vdekje mesditën e 19 Prillit në lokalin e tij në shëtitoren e Shëngjinit dhe sipas autoriteteve shqiptare ngjarja ka ndodhur për gjakmarrje,
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
