Një qytetar nga Berati, një qytetare nga Elbasani dhe një qytetare nga Memaliaj, të moshave nga 64 deri në 86 vjeç kanë humbur jetën nga Covid në 24 orët e fundit, duke e çuar në 2,940 numrin total të viktimave nga virusi që prej nisjes së pandemisë.
Por pavarësisht rënies së numrit të humbjes së jetëve, situata nuk duket aspak premtuese pasi në spitale është rritur ndjeshëm numri i personave që po marrin trajtim të specializuar mjekësor. Ministria e Shëndetësisë bëri të ditur se aktualisht në spitalet Covid gjenden të shtruar 170 persona, nga 157 që ishin një ditë më parë. Gjithsesi numri i pacientëve në gjendje të rëndë mbetet njësoj, 14.
Pozitiv në raportimin e fundit të ministrisë është fakti se numri I infektimeve këtë të mërkurë ka pësuar një rënie të lehtë krahasuar me një ditë më parë. Sipas autoriteteve shëndetësore nga 4132 testime të kryera kanë rezultuar pozitivë me Covid-19, 571 qytetarë. Harta e përhapjes së virusit është sërish e shtrirë në gjithë vendin, por Tirana mban sërish vendin e parë me 277 raste dhe pas saj vijnë Fieri me 27, Berati me 21, Kamza dhe Vlora me nga 20 dhe Gjirokastra 16. Në vendin tonë mbeten 7,763 raste aktive me Covid-19.
Tv Klan
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://i.ytimg.com/vi/ntBvaEj9LQc/maxresdefault.jpg)