Avrasiya Gündəliyi Beynəlxalq Avrasiya Mətbuat Fondu və Avrasiya Media Şəbəkəsinin müxtəlif regional və qlobal münaqişələrin dinc yolla həll olunması istiqamətində töhfə vermək məqsədi daşıyan təşəbbüsüdür. Münaqişələrin həlli yeni dünya nizamının hazırkı ssenarisində çox böyük aktuallıq və əhəmiyyət kəsb edir. Bildiyimiz kimi, bütün dünyada ölkələr həll olunması vacib sosial, iqtisadi, siyasi, etnik və bir sıra digər konfliktlərlə qarşı-qarşıyadır. Yalnız münaqişələr həll olunduğu təqdirdə insanlar heç bir qorxu və təhlükə olmadan sülh şəraitində yaşaya bilərlər. Təəssüf ki, regional münaqişələrin indiki dövründə insanlar bütün bu çəkişmələr haqqında obyektiv informasiya əldə etməkdə uğursuzluqla üzləşirlər. Dünya mətbuatında xeyli qərəz hökm sürür və hər hansı bir mənbədən daxil olan informasiya müəyyən maraqlara görə yalnış və ziddiyyətli ola bilir. “Eurasia Diary” cəmiyyət arasında getdikcə artan məlumat boşluğunu azaltmaq və informasiya təminatını genişləndirməyi, münaqişələr və mübahisəli məsələlərlə bağlı insanları düzgün istiqamətləndirməyi qarşısına məqsəd qoyub. biz əminliklə inanırıq ki, sülh diplomatiya, dialoq, rabitə, danışıqlar, sülh sammitləri, arbitraj, vasitəçilik və qarşılıqlı etimad mühitinin formalaşdırılması kimi dinc və qeyri-zorakı üsullarla təmin edilə bilər. Avrasiya Gündəliyi dünyanın siyasi cəhətdən dinamik və iddialı ölkələrinin bir çoxunun yerləşdiyi Avrasiya regionunda təsirə malikdir. Qlobal gücün bütün tarixi iddiaçıları bu regiondan çıxmışdır.Avrasiya dünyanın ən böyük materikidir və malik olduğu güc dünyanın iqtisadi cəhətdən daha çox məhsuldar olduğu üç regiondan ikisi – Qərbi Avropa və Şərqi Asiya üzərində üstün təsirə malikdir.Müasir dunyada medianın rolu və əhəmiyyəti inkaredilməzdir. Məlumdur ki, “Zorakılıq zorakılıq doğurar” və bəşəriyyət müharibə hücumlarından konstruktiv dialoq vasitəsi ilə qorunub mühafizə edilə bilər və bu yalnız insanların bir-biriləriylə qarşılıqlı müzakirələri vasitəsi ilə mümkün ola bilər ki, bunu da Avrasiya Gündəliyi təmin edəcək.Dünyada sülhün qorunması və davamlılığı insanların qarşılıqlı anlaşmasından asılıdır. Bugünkü dünya nizamında və rəqəmsal dövrdə fərdlər, ətraflarında baş verən hadisələrin obyektiv təhlilinə maraq göstərirlər. Buna görə də, müntəzəm əsaslarla zamanında və obyektiv informasiyaların verilməsi vasitəsi ilə insanlar arasında qarşılıqlı anlayışın yaradılması medianın başlıca məqsədlərindəndir.Jurnalist bu cür fəaliyyətləri həyata keçirməklə insanlar arasında qarşılıqlı anlaşmanın güclənməsində, ictimaiyyətdə müasir düşüncənin formalaşmasında, yüksək akademik dəyərlərin və elmin inkişafında birbaşa iştirak edir. Biz öz oxucularımızla mövcud münaqişə və mübahisələrlə bağlı dünyanın qabaqcıl liderlərinin, akademiklərinin, vətəndaş cəmiyyəti rəhbərlərinin və görkəmli şəxsiyyətlərinin ekspert rəylərini bölüşəcəyik
Hədəfimiz insanlara xidmət etmək, insanları maraqlandıran məsələlərin səmərəli təhlilini həyata keçirmək və paylaşmaqdır.Avrasiya Gündəliyi (“EDNews.net”)
![](https://i.ytimg.com/vi/nv2KHmm21-Q/maxresdefault.jpg)