Бүгін Әл-Фараби атындағы Қазақ ұлттық университетінде Елбасының «Тәуелсіздік дәуірі» атты еңбегіне арналған жиын өтті.

Оған алматылық зиялы қауым өкілдері мен ғалымдар қатысты. Жиналғандар тарихи публицистика жанрында жазылған туындыны егемендіктің шежіресіне балады.

Бұл туындыда тәуелсіз мемлекеттің негізі қаланған күннен бастап, оның қалыптасу кезеңі егжей-тегжей жазылған. Мысалы, кітаптың «Саяси бағдар: егемен мемлекет стратегиясы» атты бөлімінде Президент: «Тәуелсіздік алумен бірге көптеген проблемамен бетпе-бет келген кейбір жас мемлекеттер – бұрынғы кеңестік республикалар әзірге стратегия ойластыруға ерте екеніне, алдымен күнделікті тіршілік қамын жеңе білу қажеттігіне мойынсұнды» дейді. Соған қарамастан 1992 жылдың басында өзінің «Қазақстанның тәуелсіз мемлекет ретінде қалыптасуы мен дамуы» атты бағдарламаға кіріскенін айтады.

свернуть