Гадаадад сурахын өмнө эх орондоо хэрэгжүүлэх 5 бэлтгэл ажлын талаар ярилцъя.
1. Зорилгодоо үнэнч байх
Нэгэнт гадаадад сурахаар зорьсон бол зорилгоосоо ухарч няцаж, эргэлзэх хэрэггүй. Сурч эхлэхээс өмнө болон сурч байх хугацаанд олон саад бэрхшээлүүд тулгарах болно, түүнийг давж гарч чадна гэсэн сэтгэлзүйн бэлтгэл хийгээд сэтгэлийн тэнхээтэй байх хэрэгтэй.
2.Нийгэм соёл түүхийг судлах
Гадаадад сурахаар зорьж буй хүн бүхэн хүмүүстэй сайхан мэндэлдэг, ярилцдаг байх хэрэгтэй юм. Мөн суралцахаар очих орныхоо нийгэм соёлтой урьдчилан танилцан бусдад өөрийгөө илэрхийлэх гадаад хэл дээрх харилцааны чадваруудыг эзэмшиж бусадтай нийцтэй байх шаардлага зайлшгүй тулгардаг.
3. Эрүүл мэндээ анхаарах
“Эрүүл биед саруул ухаан оршино.” гэдэг үнэн хийгээд сайхан үг бий. Эрдэм ном сурахаар зорьж буй хүн бүр эрүүл амьдралын хэв маягийг баримтлах хэрэгтэй юм. Хүний нутагт очсон хэн ч байсан “өвдөх эрхгүй” гэдэг үгийг олон удаа сонссон байхаа. Иймээс өөрийн эрүүл мэндийг та өөрөө ганцхан хариуцна гэдгийг санаарай.
4. Төлөвлөгөөтэй байх
Хэзээ, хаана, аль улсад сурахаар төлөвлөж байгаа төлөвлөгөөгөө гаргаж тэтгэлэгтэй болон тэтгэлэггүй суралцах бүхий л боломжийг судлаж хэзээ гэхэд гадаадад суралцах цаг хугацаагаа бичиж тэмдэглэж, түүний дагуу өдөр тутам зорилгодоо хүрэх алхамуудыг хийгээрэй. Зорилгодоо төвлөрөхөд танд өөрийн гэсэн зорилгын дэвтэр тус болох болно.
5. Санхүүгээ бэлдэх
Тэтгэлэгтэй сурах болсон ч гэсэн гадаад орныг зорих хүн бүрт тодорхой хэмжээний санхүүгийн бэлтгэл хэрэгтэй болох тул өөрийн хуримтлалыг хийж эхлээрэй. Хэрвээ та тэтгэлэггүйгээр өөрөө төлбөрөө хэрхэн олж сурах талаар мэдэхийг хүсвэл “Америкт сурч амьдрах боломжууд” ном танд хэрэг болох болно.
"Амьдралын менежмент" дижитал зорилгын дэвтэр:
[ Ссылка ]
Facebook: [ Ссылка ]
Instagram: [ Ссылка ]
website: [ Ссылка ]
email: info@mon-usa.com
Ещё видео!