Policët e rendit të Kosovës janë vendosur në disa pika në Komunën e Mitrovicës së Veriut, për shkak se pas incidenteve të ditëve të fundit është rritur pasiguria, tha ministri i Punëve të Brendshme të Kosovës, Xhelal Sveçla.
“Sipas informacioneve, bëhet fjalë për disa pika të ndryshme në zonën e Komunës së Mitrovicës së Veriut. Pra, në disa lagje”, tha Sveçla në një prononcim për Radio Televizionin e Kosovës. Ai shtoi se vendimi i Policisë së Kosovës për të rritur prezencën në veri ka për qëllim që të ofrojë siguri për qytetarët.
Nga 6 dhjetori, në veriun e Kosovës të banuar me shumicë serbe, janë regjistruar disa incidente me armë zjarri dhe granata dore. Ministri Svecla ndërkohë fajësoi Qeverinë e Serbisë për drejtimin dhe financimin, e “grupeve kriminale” që tha se qëndrojnë pas këtyre ngjarjeve. Të martën e kaluar, Policia e Kosovës tha se ndërsa po shoqëronte zyrtarët e komisioneve komunale zgjedhore për në zyrat në Mitrovicë të Veriut dhe Zubin Potok, grupe dhe “persona të maskuar” sulmuan këto zyra “me mjete të rrezikshme, përfshirë granata të prodhimit jugosllav”.
Ndërkohë, shtimi i pranisë së policisë së kosovës në veri ëhstë mirëpritur nga banorët e “Lagjes së boshnjakëve”, “Tre rrokaqiejt”, “Kodra e minatorëve” dhe “Kroi i Vitakut” në Mitrovicë. Ata janë shprehur të lumtur për prezencën e policisë në atë pjesë, duke thënë se tani po ndihen më të sigurt.
“Ne këtë natë e kemi pritur dhe jo vetëm unë por krejt lagjja. Jemi të gëzuar që ka ardhur Policia e Kosovës këtu. Ndryshe, sonte jemi më të qetë sepse mbrëmë kemi pasur një detonim të vogël… Shpresoj kjo (prani e policisë) vazhdon kështu sepse e kemi punën keq”
Bashkë me policinë e kosovës, në këto lagje të mitrovicës së veriut kanë qarkulluar edhe pjesëtarët e misionit të natos në kosovë, KFOR dhe atij të BE-së, EULEX.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Policia#Mitrovice
![](https://s2.save4k.ru/pic/oQA_aeCWXxE/maxresdefault.jpg)