Lajme arkiva 2006
Qeveria po përpiqet të pengojë punën e pushtetit lokal dhe kjo duket fare mirë sipas kryebashkiakut Edi Rama në buxhetin që i është lënë në dispozicion Bashkisë së Tiranës për vitin 2006. Gjatë diskutimit të projekt buxhetit të bashkisë për këtë vit komisionet qytetare, Rama ka deklaruar se buxheti i rrudhur nuk i përgjigjet kërkesave për ritme më të larta siç synohet nga kjo bashki. Por, megjithatë sipas tij nuk do të bëhet aspak pengesë që bashkia të arrij të vërë në jetë investimet e planifikuara.
Rama ka thënë se gjatë këtij viti do të arrihen dy objektiva shumë të rëndësishëm në fushën e investimeve, pajisja e të gjithë shkollave të sistemit arsimor përpara universitar me sistem ngrohje si dhe nisja e punës për konstruktimin e pjesës së mbetur së unazës së qytetit. Për sa i përket gjendjes së mjerueshme ku është katandisur bulevardi “Dëshmorët e Kombit” Rama ka fajësuar qeverinë që vazhdon me rrugën e bllokimeve.
Edi Rama: “Bllokimi i Bulevardit të Tiranës në periudhën kur duhej bërë volumi kryesor i punës që sot me ndryshimin e kushteve atmosferike të kishim shtrimin e pllakave dhe përfundimin e tij i bërë nga qeveria shqiptare e ka sjell bulevardin e Tiranës në një gjendje të cilën nuk e mbanim mend që nga koha kur këta që qeverisim sot, qeverisnin dje.”
Por nuk është e të njëjtit mendim me Ramën Ministria e Transportit. Sipas zëdhënësit të ministrit Basha, nuk është qeveria që ka bllokuar punimet e bulevardit, por vetë kryebashkiaku Rama.
Gerti Bogdani: “Si gjithmonë i pavërtetë dhe duke shtrembëruar faktet kryetari i bashkisë ka dështuar të shpjegojë se kush e ka penguar të marrë masa për riparimin e sheshit “Skënderbej” apo riparimet e tjera të zgjatura dhe të stërzgjatura që bëhen për herë të dytë apo të tretë gjatë mandatit të tij. Është tashmë një fakt i njohur nga të gjithë që prej 5 dhjetorit 2005 të gjitha objektet me përjashtim të Zogut të Zi i është lejuar të punojnë, madje i është kërkuar nga Qeverisja vendore për të përshpejtuar ritmin e punës./tvklan.al
Gazetare: Elja Zotka
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
