Ish-presidenti amerikan Donald Trump i ka kërkuar Gjykatës së Lartë në SHBA që pezullojë vendimin e dhënë javën e kaluar nga një gjykatë në Uashington, që thotë se ai nuk ka imunitet presidencial nga ndjekja penale.
Ish-presidenti amerikan Donald Trump i ka kërkuar Gjykatës së Lartë në SHBA që pezullojë vendimin e një gjykate në Uashington, që thotë se ai nuk ka imunitet presidencial nga ndjekja penale. Javën e kaluar, tre gjyqtarë të një gjykate apeli në Uashington vendosën se ish-presidenti mund të ndiqet penalisht si çdo qytetar tjetër lidhur me veprimet e tij më 6 janar 2021, kur mbështetësit e Trump sulmuan Kongresin amerikan. Prokurori Special Xhek Smith ka ngritur 4 akuza ndaj Tramp, të cilat ish-presidentit i ka mohuar vazhdimisht. Avokatët e tij kanë argumentuar se presidentët kanë imunitet nga ndjekja penale për krime të mundshme të kryera gjatë kohës që janë në detyrë, por edhe pasi largohen nga Shtëpia e Bardhë. Lidhur me këtë rast, ekipi ligjor i Tramp këmbënguli se ish-presidenti nuk duhet të gjykohet gjatë fushatës zgjedhore. "Zhvillimi i një gjyqi penal në një periudhë elektorale dëmton aftësinë e Tramp për të bërë fushatë kundër Presidentit Bajden," - shkruajnë avokatët në kërkesën drejtuar Gjykatës së Lartë. Në dosjen e tyre, ata paralajmëruan se mohimi i imunitetit të ish-presidentit do të krijonte një precedent ku ndjekjet e tilla do të përsëriten dhe do të bëhen gjithnjë e më të zakonshme në të ardhmen. “Pa imunitet nga ndjekja penale, Presidenca siç e njohim ne nuk do të ekzistojë më” - argumentuan ata. Ende është e paqartë se kur mund të vendosë Gjykata e Lartë për kërkesën e ish-presidentit. Ndërsa Trump garon për Shtëpinë e Bardhë, pasi me gjasë do të jetë kandidati i republikanëve përballë demokratit Bajden, ai përballet edhe me tre gjyqe të tjera penale. Ekipi ligjor i tij ka bërë përpjekje të vazhdueshme për të shtyrë gjykimet deri pas zgjedhjeve presidenciale të nëntorit.
Gazetare: V. Zharri Pamjet: EBU
Redaksia e Lajmeve në Radiotelevizionin Shqiptar, transmeton në mënyrë të balancuar informacionet më të rëndësishme, nga vendi, rajoni e bota. Me një shtrirje thuajse në të gjithë vendin, e mbulimin edhe në zonat më të thella, lajmet e përgatitura, transmetohen në mënyrë dinamike dhe ndryshojnë e përmirësohen, në varësi edhe të evoluimit të ngjarjeve. Edicionet informative janë të përditësuara, gjithëpërfshirëse, si në formë, ashtu edhe në përmbajtje. Ato përfshijnë të gjitha grupmoshat. Lajmet në RTSH, funksionojnë sipas një mendësie profesionale. Çdo lajm në RTSH, duhet të jetë i qartë, i kuptueshëm, i verifikuar e maksimalisht etik.
Subscribe to our YouTube Channel:
[ Ссылка ]
Find us at:
[ Ссылка ]
Follow us on social
Follow us and get updates from RTSH on social media:
Facebook:[ Ссылка ]
Instagram:[ Ссылка ]
Twitter:[ Ссылка ]
Tik Tok:[ Ссылка ]
#Lajme#RTSH#RadioTelevizioniShqiptar
![](https://s2.save4k.ru/pic/oUmR9YpAdI0/maxresdefault.jpg)