#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.
Të ftuar:
Krisanthi Kallojeri - astrologe
Xheni Kozi - gjimnaste
Anxhelo Shkreli - aktor
Gazetare: Agida Koçi
Receta 1 - Perime me thjerrëza
1 qepë
4 thelpinj hudhra
2 karrota
2 patate
2 patëllxhanë
1 kungull
2 degë selino
2 speca mix ngjyrash
2 domate në kubikë
0,5 gotë uji me thjerrëza jeshile
Kripë dhe piper i zi
2 gjethe dafine
Vaj ulliri
1 kub magi
2 lgj uthull
2 lgj majdanoz i freskët
Fillimisht shpëlajmë thjerrëzat me ujë të bollshëm dhe i vendosim në një tenxhere për të zier. Nga momenti i zierjes i lëmë vetëm 5 minuta për të zier dhe më pas i kullojmë. Në një tenxhere ngrohim vajin dhe kaurdisim qepën të grirë hollë deri sa të zverdhet. Shtojmë hudhrat të prera në copa dhe i përziejmë për 1-2 minuta. Fillimisht shtojmë në tenxhere perimet që duan më shumë kohë për tu gatuar si karrotat, patatet të prera në kubikë mesatarë, specat, domatet e qëruara nga lëkura, të gjitha perimet në kubikë.
I përziejmë mirë të gjithë përbërësit në tenxhere duke shtuar edhe thjerrëzat e kulluara. I japim shije me kripë dhe piper të zi dhe 2 gjethe dafine. Shtojmë ujë deri në nivelin e perimeve. I përziejmë mirë duke vendosur kapakun jo plotësisht. I lëmë përbërësit të gatuhen për 10-15 minuta të zeza nga momenti i vlimit. Pasi perimet të jenë zier, në fund shtojmë 2 lugë gjelle uthull. E përziejmë me kujdes duke shtuar dhe 2 lugë gjelle majdanoz të freskët. Tani gjithçka gati për tu shërbyer.
Receta 2 - Njoki kremoze me domate dhe djathë
400 gr njoki
1 lgj gjalpë
Pak vaj ulliri
3 thelpinj hudhër
8-10 domate qershi
100 gr pana
2 lgj kos natyral
100 gr mozzarella
30 gr parmixhan
2 lgj majdanoz i grirë
Kripë
Fillimisht vendosim një tenxhere me ujë për të valuar. Në një tigan të thellë, shkrijmë gjalpin, pak vaj dhe e aromatizojmë atë me hudhrat të prera në feta. Shtojmë në ujin e valuar njokit për të zierë për 4-5 minuta deri të ngjiten në sipërfaqen e ujit.
Në tiganin e hudhrave shtojmë shtojmë domatet të prera në dysh. I kaurdisim ato sote e më pas shtojmë panë e më pas 2 lugë gjelle kos. I përziejmë së bashku. Largojmë me ndihmën e një luge me vrima njokit dhe i shtojmë në tigan. I përziejmë duke shtuar djathrat të grira në rende, pak kripë. I përziejmë deri sa shohim që njokit vishen me krem. Në fund e freskojmë me pak majdanoz të freskët dhe gjithçka gati për t’u shërbyer.
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ] #Receta#ZonjaVjollca#KaterinaTrungu
![](https://s2.save4k.ru/pic/oXM6GO5cBS8/maxresdefault.jpg)